Filipai 4:12 - KNTP

¹² Nayuka byo kuji kukajilwa ne byo kuji kwikala na bintu byavula. Nafunda kino kyafyamika, kokuba amba monsetu, pa kimye kyonse natondwa, mu kwikuta nangwa mu kwikala na nzala, nangwa jina byavula nangwa mfwabyo.

Filipai 4:12 Iomraidhean Croise

Mateo 11:29

Tambulai kikonkoji kyami ne kufunda kwi amiwa; mambo amiwa ne kimote ne wakooka muchima, ne anweba mukamona kukokoloka kwa michima yenu.

Mateo 13:52

Kabiji aye wibambijile amba, “Byonkabyo banembeshi bonse bo baalula ke baana babwanga mu bufumu bwa mwiulu kyapashang'ana nobe mwina nzubo, usolola bya mu nsabo yanji, bipya ne bya kala.”

2 kolinda 10:1

Pano, amiwa mwine Paulo, nemusashijila na bukimote bwa Kilishitu ne na kukooka muchima kwanji, yenka amiwa napeela pakumweka ku meso enu, pakuba nchinchika kwi anweba umvwe nji kungi!

2 kolinda 10:10

Mambo abo bamba amba, “Makalata akwa Paulo akosa kabiji aji na bulume, pakuba mubiji wanji pa kumumona wakonyangala, ne byambo byanji byo byatu.”

2 kolinda 11:27

Ne mu mingilo yakosa ne mu ya kumanama, ne mu kutong'ama kwavula, ne mu nzala ne mu kilaka, ne mu kuzhikilwa na nzala kwavula, ne mu mashika ne bwamba.

2 kolinda 11:7

Nalengele mambo nyi byo nepelwile amiwa mwine namba anweba mutumbijikwe, byo nemusapwijile Mambo Awama a Lesa a kubula mfweto?

2 kolinda 11:9

Kabiji byo najinga nenu ne kukajilwa bintu, kechi namukatezhepo muntu nangwa umo ne, mambo balongo betu bafumine ku Makedonya, bampeele byonse byo nakajilwe. Mu byonse nekainye kwimukatazha, kabiji byonkabyo kechi nkemukatazha ne.