Filipai 4:1 - KNTP

¹ Onkao mambo, balongo bami, batemwe bo nasakisha! Lusekelo lwami ne munchinya wami, imanai kasa mwakosa byonkabyo mwi Nkambo, batemwe bami.

Filipai 4:1 Iomraidhean Croise

Mateo 10:22

Kabiji bakemushikwa ku bantu bonse pa jizhina jami. Bino awa ukakoselamo kufika ne kumpelo, ye ukapuluka.

Yoano 8:31

Ponkapo Yesu wa ambijile Bayudea bamwitabijile amba, “Anweba inge mwikajijile mu mambo ami, abya kine mwi baana bami babwanga,

Byubilo 11:23

Aye pakufikako ne kumona bupe bwa Lesa, wasekejile kabiji wibatundaikile bonse amba, balamachile kwi Nkambo na michima yabo yonse.

Byubilo 14:22

Kasa bakosesha michima ya baana babwanga, ne kwibatundaika kwikala bakishinka mu lwitabilo amba, “Mu bya malwa byavula mo motutwelela mu bufumu bwa Lesa.”

Byubilo 2:42

Kabiji bakosejiletu mu mafunjisho a batumwa ne mu lumvwang'ano, ne mu kutebaula shinkwa ne mu milombelo.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

1 Kolinda 15:58

Onkao mambo, balongo bami batemwe, ikalai bashikamatu, kutelengela ne, kasa mukelwa kwingila kyakosa mwingilo wa Nkambo, byo mwayuka amba, mwingilo wetu wa mwi Nkambo kechi ye watu ne.

1 Kolinda 16:13

Labainga ne kukenkenta, koselai mu lwitabilo, mwikale bachinchika, kosai.

2 kolinda 1:14

byonka byo mwatatula kwituyuka amba, atweba twi kyenu kya kwitotelamo pamo byonka byo mukekala ne anweba ke kyetu kya kwitotelamo mu juba ja Nkambo yetu Yesu.

Ngalatiya 5:1

Na mambo a bwana bwa bene kyo kyo etukasulwijile Kilishitu. Onkao mambo mwikale bakosa amba, kechi mubwele ku kikonkoji kya buzha ne.

Filipai 1:27

Bino lekai bwikalo bwenu bwikale bwafwainwa Mambo Awama a Kilishitu, namba nangwa nkeya na kwimumona, nangwa nji kungi, nkemumvwe amba, mwakosela mu mupashi umo, kasa mwibilwila na muchima umo abya byaitabilwa bya Mambo Awama.

Filipai 1:8

Lesa ye kamonyi wami byo nemusakisha anweba bonse na butemwe bwa Kilishitu Yesu.

Filipai 2:16

Kasa mwakwachisha ku byambo bya bumi. Amba mu juba ja Kilishitu nketotelemo namba kechi nanyemene kyatu nangwa kwingila kyatu ne.

Filipai 2:26

Mambo aye uji na muchima wa kusakisha kwimumona kabiji waubile bingi kijikila byo mwaumvwine amba wakolwa.

Kolose 4:12

Epafalasa mulongo wenu, kalume wa Kilishitu Yesu, wimwimuna. Bimye byonse aye wimulukuchila mu milombelo yanji amba, mwikale bashikamatu, bakoma mu lwitabilo monse mwaswila muchima wa Lesa.

Tesalonika 3:13

Namba, akoseshe michima yenu ikale yabula mambo monka mu buzhile ku meso a Lesa Taata wetu pa kwiya kwa Nkambo yetu Yesu na bazhijikwa banji bonse.

2 Tesalonika 2:15

Onkao mambo, anweba bakwetu, imanai kasa mwakosa mukwachishe ku mafunjisho o mwafunjishiwe, mu byambo nangwa mu nkalata yetu.

2 Timoti 2:1

Byonkabyo obewa mwanami, ukose mu bupe buji mwi Kilishitu Yesu.

Bahebelu 10:23

Tukwachishe ku kwisolola kwa luketekelo lwetu kwa kubula kutelengela, mambo aye walayile ye wakishinka.

Bahebelu 3:14

Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.

Bahebelu 4:14

Byo tuji na Ng'anga mwine mukatampe watwelele mwiulu, Yesu Mwana Lesa, tukwachishetu ku kwitabila kwetu.

2 Petelo 3:17

Onkao mambo, anweba batemwe, byo mwayukila jimo bino bintu jimukai, mwakatwalwa mungi na mafunjisho angi a bampupabizhila ne kufuma pomwaina pa kosa.