Filipai 3:9 - KNTP

⁹ ne kutanwa mwi aye, kasa nabula bololoke bwami amiwa mwine bwishila mu mizhilo. Poso bonkabwa bwishila mu lwitabilo lwa mwi Kilishitu, bo bololoke bufuma kwi Lesa na lwitabilo.

Filipai 3:9 Iomraidhean Croise

Mateo 9:13

Nanchi yainga, kafundai mwayila kino amba nsaka lusa, kechi kitapisho ne. Mambo kechi naiya na kwita baoloka ne, poso bandengamambo.”

Loma 1:17

Mambo mo mumwekela bololoke bwa Lesa bwa mu lwitabilo ku lwitabilo, monka mo kyanembelwa amba, “Mololoke ukamwena bumi ku lwitabilo.”

Loma 10:10

Mambo na muchima muntu witabila ne kumona bololoke; kabiji na kanwa nako witabila ne kumona lupulukilo.

Loma 16:7

Bemunai ne ba Andelonyikusa ne Yunyiasa, balongo bami, botwakashilwe naabo pamo, bo bayukanyikwa bulongo ku batumwa, bo batanshi baitabijile mwi Kilishitu, amiwa kasa nkyangye.

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

Loma 8:1

Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

2 kolinda 5:17

Onkao mambo umvwe muntu uji mwi Kilishitu, aye ke mulengwa mupya, bintu bya kala byapichijila, bya aluka ke bipya.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Ngalatiya 2:16

Nangwa byonkabyo, byo twayuka namba muntu kechi ubingila mu mingilo ya mizhilo ne. Poso mu lwitabilo lwa mwi Yesu Kilishitu. Ne atweba twaitabijile mwi Kilishitu Yesu amba, tubingile mu lwitabilo lwa mwi Kilishitu. Kechi mu mingilo ya Mizhilo ne. Mambo mu mingilo ya Mizhilo kafwako muntu nangwa umo ukabinga ne.

Filipai 3:6

mwayila lupata, namanyikile kipwilo. Mwayila bololoke bwa mu mizhilo nabujilwe mambo.

2 Timoti 1:9

Yenkaye witupulusha, ne kwitwiita na lwito lwazhila, kechi mwayila mingilo yetu ne, poso mwayila kufuukula kwanji ne bupe bwanji, boetupele mwi Kilishitu Yesu, myaka ya kala keene kasa ikyangye kufika,

Titusa 3:5

aye witupulwishe. Kechi na mambo a mingilo ya bololoke yotwaubile atweba bene ne, poso monka mwayila lusa lwanji, monka mu kovwa kwa kusemwa jibiji, ne kusangulwa kupya kwa Mupashi Wazhila.

Bahebelu 6:18

Nanchi kuji bintu bibiji bibula kwaluka, mo abujila kuyuka Lesa kubepa. Atweba twanyemena mwa kupulukila twafwainwa kwikala na lutundaiko lwakosa ne kukwachisha ku luketekelo lwitutujilwa kumeso etu.

Yakoba 3:2

Mambo atweba bonse tupusa mu bintu byavula. Umvwe muntu wabula kupusa mu byo amba, ao muntu walumbuluka, wakonsha kulama ne mubiji wanji yensetu pamo.

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.

1 Yoano 3:4

Bonse balenga mambo bazhatwa pa kuzhilulula mizhilo, mambo bundengamambo ko kuzhilulula mizhilo.