Filipai 3:8 - KNTP

⁸ Kine, ne bimona byonse ke byatu na mambo a kuwama kwa muneema wa kumuyuka Kilishitu Yesu Nkambo yami. Na mambo a aye naswa kuleka ne kutaya byonse ne kwibimona nobe binchatu, namba mmwenemo Kilishitu

Filipai 3:8 Iomraidhean Croise

Luka 1:43

Kabiji mambo ka kino kyaubiwa kwi amiwa, amba inanji Nkambo yami waiya kwi amiwa?

Luka 11:20

Amiwa byo mpangamo bademona ku bulume bwa Lesa, nanchi pano bufumu bwa Lesa bwaiya pe anweba.”

Yoano 14:20

“Mu joja juba anweba mukayuka byo nji mwi bataata, ne anweba mwi amiwa, ne amiwa monka mwi anweba.”

Yoano 14:7

Inge mwangyukile amiwa, inge mwibayuka ne Bataata. Kabiji kufuma ku kyo kino kimye mwibayuka, ne kwibamona.”

Yoano 16:3

Ne bino bintu bakebyuba, mambo kechi bebayuka bataata nangwa amiwa ne.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 17:8

Mambo nebapele byambo byo mwampele, kabiji bebitambula, ne kuyuka bayuka kine byo nafumine kwenu, kabiji baitaba amba, yenu mwantumine.

Yoano 20:13

Kumvwa abo bamwipwizhe amba, “Inetu mubena kujila ka?” Ne aye wibakumbwile amba, “Mambo bamufumyamo Nkambo yami, ne amiwa kechi nayuka ko bamutula ne!”

Yoano 20:28

Kumvwa Tomase wamwambijile amba, “Nkambo yami ne Lesa wami!”

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Loma 8:18

Mambo nalanguluka namba bya kumanama bya pa kino kimye kechi byafwainwa kwibyesakanya na lukumo loakamwesha kwi atweba ne.

Loma 8:39

nangwa bula bwa mwiulu, nangwa kuzhika kwa panshi, nangwa kilengwa kingi, nangwa kya byepi, nangwa kya byepi, kechi bikakonsha kwitwabanya na butemwe bwa Lesa mwi Kilishitu Yesu Nkambo yetu ne.

1 Kolinda 2:2

Mambo napwishishe mu muchima byo najinga ne anweba, namba kechi ngyuke kintu nangwa kimo ne, poso yenka Yesu Kilishitu ne byo apopelwe pa musalabu.

1 Kolinda 9:10

Inyi wikyambile na mambo a atweba? Ee, kyanembejilwe atweba. Mambo awa ujima wafwainwa kujima na luketekelo, ne awa upuula wafwainwa kupuula na luketekelo lwa kujapo.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Ngalatiya 1:16

kunsolwela mwananji amiwa, amba nkasapwile mambo anji ku Bangentila, ponkapo kechi nakepwizhe bakwetu ba ku mubiji wa nyama ne mashi ne.

Efisesa 4:13

Poso bonse byo tukalumbuluka mu bu umo bwa mu lwitabilo ne mu maana a kumuyukisha Mwana Lesa, ke bantu bakoma, bafika ku kipimo kya kimino kya kufikila kwa Kilishitu.

Filipai 1:1

Kufuma kwi Paulo ne Timoti bakalume bakwa Kilishitu Yesu. Ku bonse bazhijikwa baji mwi Kilishitu Yesu, baji mu Filipai ne bantangi balama kipwilo pamo ne bankwasho.

Filipai 3:10

Namba namuyuke kabiji ngyuke ne bulume bwa lusanguko lwanji, ne lumvwang'ano lwa mu bya kumanama kwanji, namba ngikale na lufu lwapashang'ana na lufu lwanji,

Filipai 3:12

Kechi kya kwamba amba natambula kala ne, nangwa amba, nalumbululwa kala ne. Bino mbena kwibikako namba nkekikwate kyonkakya kyo bankwachiile kwi Kilishitu Yesu.

Filipai 3:7

Nangwa byonkabyo abya byonse byajinga bya kumwenamo amiwa, ne bimona namba ke byatu na mambo a Kilishitu.

2 Timoti 4:6

Mambo amiwa katataka mbena kuya na kwichilwa nobe mulambu, ne kimye kya kuyijijila kwami kyafika.

Bahebelu 3:14

Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.

1 Petelo 2:7

Byonkabyo buneme bo bwenu anweba mwaitabila. Pakuba kwi abo babula kwitabila. “Aja jibwe jo balengulwile bashimika, jo jaalukile ke mutwe wa jikonka.”

2 Petelo 1:2

Bupe ne mutende bimuvujile anweba mu maana a kuyuka Lesa ne Yesu Nkambo yetu.

2 Petelo 1:3

Bulume bwanji bwa bu Lesa bwitupa byonse bya kwitukwasha mu bumi ne mu kunemeka Lesa kwetu, monka mu maana a kumuyuka aye witwichile mu lukumo lwanji mwine ne mu kulumbuluka kwanji.

2 Petelo 1:8

Mambo umvwe bino bintu muji nabyo ne kuvula byavula, kechi mukekalatu ne, nangwa kubula kupanga bipangwa bya maana a kumuyuka Nkambo yetu Yesu Kilishitu ne.

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.

1 Yoano 1:3

Akya kyo twamwene ne kumvwa, twimubuula ne anweba, namba mwikale pamo ne atweba mu lumvwang'ano lotuji naalo ne Taata ne Mwananji Yesu Kilishitu.

1 Yoano 2:19

Bafumine mwi atweba, bino kechi bajinga ba mwi atweba ne; mambo inge bajinga ba mwi atweba, bafwainwe kutwajijila ne atweba. Bino bafumine mwi atweba mu kwi bamwesha amba kechi bonse bo ba mwetu ne.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.