Filipai 3:2 - KNTP

² Jimukai ku aba bakabwa, jimukai kwi abo boba bibi, jimukai na boba bachiba byendelwa.

Filipai 3:2 Iomraidhean Croise

Mateo 24:10

Ne bavula baketuntula, bakesolola bene na bene, ne kwishikwa bene na bene.

Mateo 7:15

“Jimukai ku bangauzhi ba bubela, beya ko muji mu biseba bya mikooko, kabiji munda mwabo bo bamisuka bakaji.

Mateo 7:6

“Kechi mupane kyazhila ku bakabwa ne, nangwa kutaya bamangalite benu ku bankumba ne, kuchiina amba bakebanyantaula ne kwimwalukila ne kwimutabaula.”

Loma 2:28

Mambo awa waubatu bwina yudea bwa kumubijitu kechi ye mwine mwina yudea ne; byonkabyo ne mukanda wa kumubijitu kechi ye mukanda wa kine ne;

2 kolinda 11:13

Mambo bantu ba byonkabyo bo batumwa ba bubela, bo bamingilo ya bujimbijimbi, kasa bealula nobe batumwa ba kwa Kilishitu.

Ngalatiya 5:13

Anweba bakwetu, mo mu bwana bwa bene mo mwaichilwa. Bino bwana bwa bene bwenu kechi bwikale ke bwa kubilamo bya buntunshi ne. Poso mu butemwe, mwikale ba kwiingijila anweba bene na bene.

Ngalatiya 5:15

Pakuba umvwe mubena kwikozha ne kwiuba byatama, jimukai kuchiina amba mwakeonauna anweba bene na bene.

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

Filipai 3:19

Kumpelo yabo ke lonaiko, kabiji lesa wabo jo jivumo jabo, kabiji lukumo lwabo luji mu bya bumvu bwabo, bo bata michima yabo ku bintu bya pano pantanda.

Filipai 3:3

Atweba, yetu bene baji na mukanda wa kine, tupopwela na Mupashi wa Lesa ne kwitotela mwi Kilishitu Yesu ne kubika nangwa pacheche luketekelo mu buntunshi ne.

1 Timoti 1:19

kasa ulama lwitabilo na muchima watoka. Mambo bamo, byo bamutaaya ao muchima ubula kwizhachisha balobesha lwitabilo lwabo nobe bwato.

Titusa 1:16

Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

2 Petelo 2:22

Mambo kibamwekela monka mwayila akya kishimpi kya kine amba, “Kabwa wabwela ku malashila anji mwine” ne “nkumba waowele, wabwela mukwitaka mu mateshi”.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Lumwekesho 2:9

nayuka bya malwa byobe, ne buyanji bobe, bino wi munonshi! Nayuka ne mwenga wa abo beteela amba, bo Bayudea bino kechi bo Bayudea ne, bo ba mu shinagoga ya Satana!

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.

Lumwekesho 3:9

Umvwa! Ba mu shinagoga ya Satana, bonka beteela amba bo Bayudea, bino kechi ibo ne babepa, amiwa nkebalengesha namba bakeye na kupopwela ku maulu obe. Bakayuke amba amiwa nakutemwa.