Filipai 2:9 - KNTP

⁹ Onkao mambo Lesa naye wamutumbijikisha bingi, wamupa ne jizhina jakila mazhina onsetu.

Filipai 2:9 Iomraidhean Croise

Mateo 11:27

“Bataata bampele amiwa bintu byonse. Kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Mateo 28:18

Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi.

Luka 10:22

“Bataata bampele amiwa bintu byonse, kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Yoano 13:3

Yesu nangwa wayukile amba, bataata bampa bintu byonse mu maboko ami, kabiji nafuma kwi Lesa, kabiji nkaya kwi Lesa.

Yoano 17:11

Pakuba pano kechi nkiji pano pantanda ne, pakuba bano bo baji pano pantanda, kabiji amiwa mbena kwiya kwenu. Taata Wazhila! Mwibalame mu jizhina jenu jo mwampele, bekale ke umo, byonka byo tuji atweba.

Yoano 17:12

Byo najinga naabo, amiwa nebalaminenga mu jizhina jenu jo mwampele. Nebasungile, kabiji kafwako nangwa umo waonaika ne, poso yenka awa mwana wa lonaiko, amba kinembelo kifikizhiwe.

Yoano 17:5

Pano, anweba Taata! Muntumbijike ko muji anweba bene na lonkalwa lukumo lo najinga naalo ko muji, pano pantanda kasa pakyangye kulengwa.

Byubilo 5:31

Aye uno yenka, Lesa wamutumbijikile ku kuboko kwanji kwa kilujo amba, ekale Ntangi ne Mupulushi, ebape bena Isalela lulapilo ne lulekelo lwa mambo.

Efisesa 1:10

Amba akekajike bukalama bwa pa byonse ponka pa kukafikila myaka yoatongola, ne kwibikonkenya bintu byonse mwi Kilishitu, biji mwiulu ne biji pano pantanda.

Kolose 1:18

Aye Kilishitu ye mutwe wa mubiji, kyo kipwilo, ye ntendekelo, ye mubeji wa kusanguka mu bafu amba, mu bintu byonse akekale ke mwine wakilaamo.

2 Tesalonika 1:12

Amba jizhina ja Nkambo yetu Yesu jitumbijikilwe mwi anweba, ne anweba mwi aye, monka mwayila bupe bwa Lesa wetu ne bwa Nkambo Yesu Kilishitu.

Bahebelu 1:4

Aye Mwana Lesa waikajile ke mukatampe kukila bamalaika, pamo na joja jizhina jo aswaine jakila jabo.

Bahebelu 1:9

Obewa watemwa byaoloka, kabiji washikwa bubi. Onkao mambo aye Lesa, Lesa obe, wakutongola ne ku kushinga manyi alusekelo kukila bakwenu.”

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 2:9

Bino twamumona aye Yesu, ye bapelwile ka kimye kacheche kukila bamalaika, kasa avwikwa na lukumo ne buneme na mambo a lufu lo amanamine, amba monka mu bupe bwa Lesa ebatompele lufu bantu bonse.

1 Petelo 3:22

Aye waya mwiulu, kabiji uji ku kilujo kya Lesa, ne bamalaika ne ba luusa, ne ba bulume kasa bamunekenena.

2 Petelo 1:17

Mambo aye watambwile kwi Lesa Shanji, buneme ne lukumo, byo jaishile kwi aye jiwi jafumine ku alwa lukumo lukatampe lwakila, ja byonka bino amba, “Uno ye Mwanami ye natemwa, mo namwena lusekelo!”

3 Yoano 1:7

Abo batatwile lwendo lwabo na mambo a jizhina ja Kilishitu, kwakubula kutambulapo kintu nangwa kimo kufuma ku Bangentila ne.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 19:16

Kabiji pa kivwalo kyanji ne pa jimbwata janji panembelwe jizhina amba, “Mfumu wa ba mfumu ne Nkambo wa ba nkambo!”

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.

Lumwekesho 5:12

kasa bamba na jiwi jikatampe amba, “Aye Mwana Mukooko waipayilwe ye wafwainwa kutambula bulume, ne bunonshi, ne maana, ne ngovu, ne buneme, ne lukumo, ne lutakaiko!”