Filipai 2:8 - KNTP

⁸ Kabiji wipelwile mwine, wakookejile ne ku lufu, nalo lo lufu lwa pa musalabu.

Filipai 2:8 Iomraidhean Croise

Mateo 17:2

Ne aye waalukile ke ungi ku meso abo, kabiji kilungi kyanji kyasaamine nobe juba, ne bivwalo byanji byamwekele nobe kyeya.

Mateo 26:39

Kabiji waendeleko pacheche, wakuvumene panshi na kulomba amba, “Taata, umvwe kyakonsheka kubiwa, kano katomeno kampitaile! Byonkabyo kechi kyasaka muchima wami ne, poso kyasaka muchima wenu.”

Mateo 26:42

Wayile na kulomba jibiji amba, “Taata, umvwe kano katomeno kechi kakonsha kumpitaila ne, poso nekatome, kyaswa muchima wenu kyubiwe.”

Luka 9:29

Ne byo akilombelenga, kumweka kwa kilungu kyanji kwa alukile, ne bivwalo byanji bya bekaukilenga ne kutoka too.

Yoano 10:18

Kafwako ung'angataye ne, pakuba na mwela amiwa mwine. Nji na luusa lwa kumwela, kabiji nji na luusa lwa kumutambula jibiji. Uno ye mukambizho ye bankambizhizhe bataata.”

Yoano 14:31

pakuba amiwa nguba byonka byankambizha Bataata namba, ba pano pantanda bayuke byo nebatemwa Bataata.” “Imanai, twayai tufume pano.”

Yoano 15:10

Umvwe mwalama mikambizho yami, mukekala mu butemwe bwami, byonka byo nalama mikambizho ya Bataata, ne kwikala mu butemwe bwabo.

Yoano 4:34

Kumvwa Yesu amba, “Kajo kami, ko kuuba kyaswa muchima wa aye wantuma, ne kupwisha mwingilo wanji.

Byubilo 8:33

Mu kupelulwa kwanji bafumya kuchibilwa nsambu yanji. Ng'anyi ukamba mambo a kisaka kyanji? Mambo mweo wanji bamufumyapo pano pantanda.”

Loma 5:19

Mambo bavula byo ba alukile ke bandengamambo mu milengulwila ya umo, byonkabyo ne bavula ba kaluuka ke baoloka mu lukookelo lwa umo.

2 kolinda 8:9

Mambo mwayuka bupe bwa Nkambo yetu Yesu Kilishitu, amba, nangwa wajinga munonshi, byonkabyo na mambo a anweba waalukile ke muyanji amba, anweba monka mu buyanji bwanji mwaluke ke banonshi.

Ngalatiya 3:13

Kilishitu witukuujile ku mafingo a Mizhilo, byo aalukile ke wafingwa na mambo a atweba, mambo kyanembwa amba, “Bafingwa mafingo bonse bo bakobeka ku bichi.”

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 12:4

Mukyangye kwibukanya bundengamambo kufika ne pa kwichila mashi enu pakulwa naabo.

1 Petelo 2:24

Mwine ye wasendele mambo etu mu mubiji wanji konka ku kichi, amba atweba tufwe ku bundengamambo ne kwikala mu bololoke. Ko ku bipumo byanji ko mwabukilwa.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,