Filipai 2:6 - KNTP

⁶ Aye nangwa waikajile mu musango wa bu Lesa, kechi walangulukile amba, kwesakana na Lesa kyo kintu kya kukakachila ne.

Filipai 2:6 Iomraidhean Croise

Yoano 5:18

Onkao mambo Bayudea bakebeshenga kumwipaya, kechi na mambo onka a kuzhilulula juba ja Sabado ne, nanchi ne na mambo a kumutela Lesa amba ye Shanji, ne kwiesakanya pamo na Lesa.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Yoano 17:5

Pano, anweba Taata! Muntumbijike ko muji anweba bene na lonkalwa lukumo lo najinga naalo ko muji, pano pantanda kasa pakyangye kulengwa.

Lumwekesho 21:6

Kabiji wang'ambijile amba, “Byamweka kala! Amiwa ne Alefwa ne Omega, ne ntendekelo ne mpelo. Aye waumvwa kilaka amiwa nkamupapo kutoma ku nsulo ya mema a bumi atupauka a bupetu.

Yoano 10:30

Amiwa ne bataata twi umo.”

Bahebelu 13:8

Yesu Kilishitu ujitu pamo, kesha ne ja lelo, ne moba onsetu myaka ne myaka.

Yoano 10:33

Bayudea bamukumbwile amba, “Kechi twimwashila mambo a mwingilo wawama ne, twimwashila mambo a kumuba mwenga Lesa kabiji mambo obewa mwine muntutu, wipa bu Lesa.”

Loma 9:5

ne bene bashakulu bo babo, kabiji mo mukisemi kyabo moaishijile Kilishitu kumubiji. Ye mwine wa byonse, ye Lesa utotwa pe myaka yonse! Amena.

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Yoano 20:28

Kumvwa Tomase wamwambijile amba, “Nkambo yami ne Lesa wami!”

Yoano 10:38

Kabiji inge neyuba nangwa kechi mwangitabila amiwa ne, nanchi itabilaiko mingilo yami, namba muyukishetu amba, bataata baji mwi amiwa, ne amiwa nji mwi bataata.”

Bahebelu 1:6

Kabiji byo a amba na mambo a kuleeta jibiji mubeji wanji pano pantanda, Aye wa amba amba, “Bamalaika bonse ba Lesa bamupopwele.”

Titusa 2:13

Kasa tutengela alwa luketekelo lwa lusekelo, ko kumweka kwa lukumo lwa Lesa mukatampe, ne Mupulushi wetu Yesu Kilishitu.

Mateo 1:23

“Talai! Muzhike wakishinka wabula kusambakanapo na mwanamulume ukemita jiimi, ukasema mwana wamulume, kabiji bakamutumba jizhina janji amba Emanuele.” (Kulumbulula, ko kuuba amba, “Lesa tuji nanji.”)

Yoano 14:9

Kumvwa Yesu wamukumbwile amba, “Nabanda nenu byonkabye, ne anweba Filipa ne kungyuka nenyi? Awa wammona amiwa wamona ne bataata, ne anweba mwa ambilaka amba, ‘Tubulai bashenu’?

Bahebelu 1:8

Bino Lesa pakwamba na mambo a Mwana aye amba, “Jitanda jobe obewa Lesa, jo ja myaka ne myaka! Kabiji ulama bufumu bobe na bololoke.

Yoano 5:23

amba, bonse bamunemeke Mwana, byonka byo banemeka Shanji. Wabula kunemeka Mwana ye wabula kunemeka ne Shanji wamutuma.

Yoano 14:28

“Anweba mwaji kumvwa byo naji kwimwambila namba, ‘Amiwa mbena kuya, kabiji nkabwela kwi anweba.’ Inge mwantemwa, inge mwasekela, mambo mbena kuya kwi Bataata, mambo Bataata bo bankila.

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

1 Timoti 1:17

Pano kwi aye Mfumu wa myaka, ubula kufwa, ubula kumweka, yenkaye Lesa, kwikale buneme ne lukumo myaka ne myaka. Amena.

2 kolinda 8:9

Mambo mwayuka bupe bwa Nkambo yetu Yesu Kilishitu, amba, nangwa wajinga munonshi, byonkabyo na mambo a anweba waalukile ke muyanji amba, anweba monka mu buyanji bwanji mwaluke ke banonshi.