Filipai 2:5 - KNTP

⁵ Ikalai na ye uno muchima mwi anweba, yenka waji mwi Kilishitu Yesu:

Filipai 2:5 Iomraidhean Croise

Mateo 11:29

Tambulai kikonkoji kyami ne kufunda kwi amiwa; mambo amiwa ne kimote ne wakooka muchima, ne anweba mukamona kukokoloka kwa michima yenu.

Luka 22:27

Mambo mukulumpe ye ng'anyi, awa waikala na kuja, inyi yewa ubena kumwingijila? Kechi yenkawa waikala na kuja nenyi? Bino amiwa nji mukachi kenu nobe wamwingilo.”

Byubilo 10:38

a Yesu mwina Nazala, byo bamushingile manyi kwi Lesa na Mupashi Wazhila ne na bulume. Ye wapitang'enenga na kwingila byawama, ne kubuka bonse bo bamanyikilenga kwi Diabola, mambo Lesa wajinga nanji.

Byubilo 20:35

Mu byonse nemumwesheshe mo mwafwainwa kwingijila kyakosa byonkabyo, ne kukwasha banekena, kasa muvuluka byambo bya Nkambo Yesu, byo a ambile aye mwine amba, ‘Kupana kuji na mapesho kukila kutambula.’”

Loma 14:15

Mambo umvwe na mambo a kajo ko uja wamufichisha mulongo wobe ku muchima, kechi ubenakwenda mu butemwe ne. Kechi umonaune aye yeafwijile Kilishitu ne.

Loma 15:3

Mambo Kilishitu naye kechi witokeshe mwine pa muchima ne, bino monka mo kyanembelwa amba, “Bya mwenga bya boba bemwambijile mwenga byamfikila amiwa.”

Loma 15:5

Pano aye Lesa wabutekanye ne walutundaiko emupe mwakwikela na muchima umo anweba bene na bene monka mwayila muchima wa Kilishitu Yesu,

1 Kolinda 10:33

Byonka byongeseka ne amiwa kwibatokesha bantu bonse ku michima mu bintu byonse byo nguba, kechi nekebela byawama amiwa mwine ne, kana kwibakebela byawama bakwetu bavula namba bapuluke.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Filipai 1:1

Kufuma kwi Paulo ne Timoti bakalume bakwa Kilishitu Yesu. Ku bonse bazhijikwa baji mwi Kilishitu Yesu, baji mu Filipai ne bantangi balama kipwilo pamo ne bankwasho.

1 Petelo 2:21

Mambo kino kyo kyo mwaichilwa, mambo Kilishitu naye wimumanamijile anweba, ne kwimushiila mwa kulondela, mulondelenga monka mungayo yanji.

1 Petelo 4:1

Byonka byo amanamine Kilishitu mu mubiji, ne anweba vwalai bya nkondo na muchima wa byonkabyo, mambo aye wamanama mu mubiji ye waleka kulenga mambo.

1 Yoano 2:6

awa wamba amba waikala mwi Kilishitu wafwainwa kwenda byonka byo a endelenga Aye.