Filipai 2:3 - KNTP

³ Kechi mube kintu nangwa kimo mu kwilanguluka anwe bene nangwa mu kwitota kwatu ne, poso na muchima wipelula kasa mulanguluka bonse, pa muntu pa muntu amba, mukwetu wankila mu kuwama.

Filipai 2:3 Iomraidhean Croise

Luka 18:14

“Nemwambila namba, uno musonkeshi wabwelele kwanji ku nzubo kasa abingishiwa, kukila Mufaliseo. Mambo awa witumbijika mwine ukapelulwa, bino awa wipelula ukatumbijikwa.”

Loma 12:10

Mu butemwe bwa balongo kasa mwitemwisha na lusa anweba bene na bene, mu buneme namo kasa mwinemeka anweba bene na bene.

Loma 13:13

Twendenga bulongotu nobe mu mute, kechi mu kiwowo ne mu kupendwa ne, nangwa mu bya bulalelale ne bya bunya ne, kechi mu lutoobo ne mu kichima ne.

Loma 2:8

Pakuba aba boba mwayila bisaka michima yabo abo bene ne balengulula bya bukine, ne kukookela bya bumbulwa koloka, kukekala bukaji ne lukabisho.

1 Kolinda 15:9

Mambo amiwa ne muchechetu pa batumwa, kechi nafwainwa kutelwa butumwa ne, mambo namanyikile kipwilo kya Lesa.

1 Kolinda 3:3

mambo mukiji mu bwikalo bwa buntunshi. Mambo byo mukiji na kichima ne lutobo mukachi kenu, nanchi kino kechi kyamwesha amba mukiji mu bwikalo bwa buntunshi nenyi? Kechi mubena kuba monka mwendela bantu babula kwitabila nenyi?

2 kolinda 12:20

Mambo nachiina namba, apo kampe byo nkeya, nkemutaana kasa mwaikala na monabula kusakila, ne amiwa mwine nkataanwa kwi anweba na momwabula kusakila, kabiji nachiina namba kampe kukekala lutoobo, ne kichima, ne bukaji, ne bya bongozhi, ne miyebe, ne bya kutepeta, ne bya kwilundumika, ne biwowo.

Ngalatiya 5:15

Pakuba umvwe mubena kwikozha ne kwiuba byatama, jimukai kuchiina amba mwakeonauna anweba bene na bene.

Ngalatiya 5:26

Kechi twikale ba bwitote bwatu, nangwa kwiteteka ne kwiumvwina kichima atweba bene na bene ne.

Efisesa 4:2

Na kwipelula konse ne bukimote, ne na kukooka muchima, kasa mwitekenya anweba bene na bene mu butemwe.

Efisesa 5:21

Inekenenai anweba bene na bene mu kumwakamwa Kilishitu.

Filipai 2:14

Ubai byonse kwakubula kwipachika nangwa kwijizhang'anya,

Kolose 3:12

Onkao mambo byo muji basalululwa bakwa Lesa, bazhila, batemwe, vwalai bu muchima wanekena, ne lusa ne kwipelula ne bukimote ne kukooka muchima.

Kolose 3:8

Pakuba pano bitayai ne bino byonse; kubuuka bukaji ne bukaji ne nshiji ne kayebe ne mwenga mu kanwa kenu.

1 Timoti 6:4

wilundumika, ne kuyukapo kintu nangwa kimo ne. Kabiji usakishatu bya kwipuzhaipuzha ne bya kupachika na byambo, ko kufuma bikonkoma, ne lutobo, ne kayebe, ne milanguluko ibi,

1 Petelo 3:8

Pano kyapelako: anweba bonse ikalai bamuchima umo, ba lusa, batemwang'ana byo muji balongo na balongo, ba michima yanekena, ne kwipelula.

1 Petelo 5:5

Byonkabyo ne anweba banyike, kasa munekenena bakulumpe. Kine anweba bonse kasa muvwala michima ya kwipelula, anwe bene na bene. “Mambo Lesa wibakanya betota, bino upana bupe ku bepelula.”