Filipai 2:12 - KNTP

¹² Byonkabyo, anweba batemwe bami, byonka byo mwankookejilenga moba onse, ne pano munkookele byonji kungi, twajijilai kwingila na moyo ne kuzakama mulumbulule lupulukilo lwenu,

Filipai 2:12 Iomraidhean Croise

1 Kolinda 15:58

Onkao mambo, balongo bami batemwe, ikalai bashikamatu, kutelengela ne, kasa mukelwa kwingila kyakosa mwingilo wa Nkambo, byo mwayuka amba, mwingilo wetu wa mwi Nkambo kechi ye watu ne.

Bahebelu 4:11

Onkao mambo tuteshekotu muchima amba tutwele muyoya ntanda ya kukokolokelamo, kuchiina amba nangwa muntu umo wakaponena mumusango umo wamilengulwila.

1 Petelo 2:11

Anweba batemwe, amiwa ne musashijila byo muji benyi ne bakang'enda namba muzhile bya lwiso lwa buntunshi, bilwa na muchima.

Mateo 11:29

Tambulai kikonkoji kyami ne kufunda kwi amiwa; mambo amiwa ne kimote ne wakooka muchima, ne anweba mukamona kukokoloka kwa michima yenu.

Filipai 1:27

Bino lekai bwikalo bwenu bwikale bwafwainwa Mambo Awama a Kilishitu, namba nangwa nkeya na kwimumona, nangwa nji kungi, nkemumvwe amba, mwakosela mu mupashi umo, kasa mwibilwila na muchima umo abya byaitabilwa bya Mambo Awama.

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.

Bahebelu 5:9

Kabiji byo alumbulwilwe, waalukile ke mwine wa lupulukilo lwa myaka ku bonse bamukookela.

2 Timoti 2:10

Onkao mambo o nebikosela byonse pa mambo a basalululwa, namba ne abo nabo batambule lupulukilo luji mwi Kilishitu Yesu ne lukumo lwa myaka pamo.

Bahebelu 4:1

Onkao mambo, byo tukiji na mulaye wakutwela mwanji mwakukokolokela, nanchi tube moyo kuchiina amba nangwa umo wakakankalwa kufikamo.

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Filipai 4:1

Onkao mambo, balongo bami, batemwe bo nasakisha! Lusekelo lwami ne munchinya wami, imanai kasa mwakosa byonkabyo mwi Nkambo, batemwe bami.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

Tesalonika 1:3

Kasa twimuvuluka ne kuvulama ne, konka ku meso a Lesa Taata wetu, mambo a mwingilo wenu wakosa wa butemwe ne butekanye bwenu bwa luketekelo lwa mwi Nkambo yetu Yesu Kilishitu.

Filipai 1:29

Mambo kechi kimupewa anweba na mambo a Kilishitu, kumwitabilatu konka ne, poso ne kumumanamina nako pamo.

2 kolinda 7:15

Ne butemwe bwanji kwi anweba pano bwavujisha bingi, byo alanguluka mambo a lukookela lwenu anweba bonse, byo mwamutambwijile na moyo ne kuzakama.

1 Kolinda 2:3

Kabiji najinga nenu na kunekena, ne na moyo, ne na kuzakama ku katampe,

Efisesa 6:5

Anweba bakalume, kookelai bankambo yenu bo mwingijila ku mubiji, na moyo ne kuzakama, monka mu bumuchima wa kine, nobe kwi Kilishitu.

Mateo 11:12

Kabiji kufuma ku moba a Yoano Mubatishi ne kufika ku jino juba, bufumu bwa mwiulu bebubila mukoyo, ne bantu bamukoyo bebutambula na lupata.

Filipai 1:5

mambo a kukwashang'ana kwenu mu Mambo Awama kufuma ku juba jitanshi kufika ne leelo.

Byubilo 9:6

Pano imana, utwele mu muzhi, kabiji bakakubula kyo wafwainwa kuuba.”

Filipai 2:19

Naketekela mwi Nkambo Yesu kumutuma Timoti ko muji katataka, pakuba amba ne amiwa nkatundaikwe pakumvwa byo mwaikala.

1 Kolinda 4:14

Kechi nanemba bino bintu namba nemulengeshe bumvu ne, poso namba ne mufunde byo muji baana bami bo natemwa.

Filipai 4:15

Anweba bena Filipai mwayukishatu bulongo amba byo nafumine ku Makedonya mu moba atanshi a Mambo Awama, yenu yenka kipwilo kya nkwashishe ne kushilang'ena ne amiwa mu kupana ne kutambula.

Byubilo 16:29

Ne aye wabijikile amba, “Letai byeya kuno!” Ne aye wakilukijile monka, kasa azakama na moyo, waponejile kwi ba Paulo ne Silasa.

Filipai 1:6

Kabiji nayukishatu kino namba, aye watatwile mwingilo wawama mwi anweba, ukamulumbulula kufika ne kumpelo mu juba ja Kilishitu Yesu.