Filipai 2:1 - KNTP

¹ Pakuba kana muji lutundaiko mwi Kilishitu, kana muji lutekenesho lwa butemwe, kana muji lumvwang'ano lwa Mupashi, kana muji bumuchima wanekena ne bya lusa,

Filipai 2:1 Iomraidhean Croise

Luka 2:25

Kabiji kwajinga muntu mu Yelusalema, jizhina janji Shimeona, ne uno muntu wajinga waoloka kabiji wa akamwa Lesa, kasa apembelela lutekenesho lwa bena Isalela, ne Mupashi Wazhila wajinga pe aye.

Yoano 14:18

“Kechi nkemusha bwana bwa kishale ne, nkeya jibiji ko muji.

Yoano 14:27

“Nemushiila mutende, nemupa mutende wami. Kechi mpana byo bapana ba pano pantanda ne. Michima yenu kechi ilukute ne, nangwa kuuba moyo ne.”

Yoano 17:13

Pakuba pano mbena kwiya kwi anweba, kabiji bino nebyamba pano pantanda namba, bekale na lusekelo lwami kasa lwafikila mu michima yabo.

Byubilo 2:46

Kabiji pa juba pa juba, bakelelwenga na muchima umo mu nzubo ya Lesa, kasa batebula shinkwa ku mazubo kwabo, ne kuja kajo kabo na lusekelo ne na muchima umo,

Byubilo 4:32

Ne jibumba ja baitabila bajingatu na milanguluko imo ne na muchima umo. Kafwako nangwatu umo watelele kintu kya mu bunonshi bwanji amba kyami amiwa mwine ne, kabiji byonse byo bajinga naabyo byajinga bya bonse.

Loma 5:5

Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.

Loma 8:26

Byonkabyo ne Mupashi naye witukwasha mu kunekena kwetu. Mambo kechi twayuka byo twafwainwa kulombela ne; bino aye mwine Mupashi witulombelela na mibinzo ya kubula kukonsha kwamba.

1 Kolinda 12:13

Ne atweba bonse twabatizhilwe ku Mupashi umo mu mubiji umo, nangwa twi Bayudea, nangwa twi Bagiliki, nangwa twi bazha, nangwa twi baana ba bene, bonse twapewa kutoma ku yenka Mupashi umo.

1 Kolinda 15:31

Anweba bakwetu, naamba kya kine monka mwayila kwitota kwami ko netotela mwi anweba mwi Kilishitu Yesu Nkambo yetu, namba mona lufu pa juba pa juba.

1 Kolinda 3:16

Nanchi kechi mwayuka amba, mwi nzubo ya Lesa kabiji Mupashi wa Lesa waikala mwi anweba nenyi?

2 kolinda 13:14

Bupe bwa Nkambo Yesu Kilishitu, ne butemwe bwa Lesa, ne lumvwang'ano lwa Mupashi wa Lesa Wazhila, bikale ne anweba bonse.

2 kolinda 2:14

Bino sante ekale kwi Lesa! Ye witutangijila mu lushinjilo mwi Kilishitu moba onse, ne kusolwela mwi atweba bwema bwawama bwa maana a kumuyuka aye konse, konse.

Ngalatiya 4:6

Kabiji byo muji baana, Lesa watuma Mupashi wa Mwananji mu michima yenu, kasa eeta amba, Abba, Taata.

Ngalatiya 5:22

Pakuba bipangwa bya Mupashi bo butemwe ne lusekelo ne mutende ne kukooka muchima ne lusa ne buwame ne bukishinka,

Efisesa 4:4

Kuji mubiji umo ne Mupashi umo, byonka byo mwaichilwe mu luketekelo lumo lwa lwito lwenu.

Filipai 1:8

Lesa ye kamonyi wami byo nemusakisha anweba bonse na butemwe bwa Kilishitu Yesu.

Filipai 3:3

Atweba, yetu bene baji na mukanda wa kine, tupopwela na Mupashi wa Lesa ne kwitotela mwi Kilishitu Yesu ne kubika nangwa pacheche luketekelo mu buntunshi ne.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

Kolose 3:12

Onkao mambo byo muji basalululwa bakwa Lesa, bazhila, batemwe, vwalai bu muchima wanekena, ne lusa ne kwipelula ne bukimote ne kukooka muchima.

Bahebelu 6:18

Nanchi kuji bintu bibiji bibula kwaluka, mo abujila kuyuka Lesa kubepa. Atweba twanyemena mwa kupulukila twafwainwa kwikala na lutundaiko lwakosa ne kukwachisha ku luketekelo lwitutujilwa kumeso etu.

1 Petelo 1:2

Basalululwa monka mwayila maana akuyukila jimo kwa Lesa Taata, na kuzhijikwa kwa Mupashi, ne kutokeshiwa na mashi anji amba mukookelenga Yesu Kilishitu. Bupe ne mutende bimuvujile.

1 Yoano 3:24

Kabiji aye ulama mikambizho yanji ye waikala mwi aye, ne aye mwi abo. Monka muno mo twayukila amba waikala mwi atweba, na Mupashi ye etupeele.

1 Yoano 4:12

Kafwapo wamumwenepo Lesa ne, bino umvwe twitemwa atweba bene na bene, Lesa waikala mwi atweba, ne butemwe bwanji bwa lumbulukila mwi atweba.

1 Yoano 4:16

Kabiji atweba twayuka ne kwitaba butemwe bo etutemwa Lesa. Lesa ye butemwe, ne aye waikala mu butemwe ye waikala mwi Lesa, ne Lesa waikala mwi aye.