Filipai 1:6 - KNTP

⁶ Kabiji nayukishatu kino namba, aye watatwile mwingilo wawama mwi anweba, ukamulumbulula kufika ne kumpelo mu juba ja Kilishitu Yesu.

Filipai 1:6 Iomraidhean Croise

Yoano 6:29

Kumvwa Yesu wibambijile amba, “Uno ye mwingilo wa Lesa, amba mu mwitabile aye yenka ye atuma.”

Byubilo 11:18

Byo ba umvwine bino, bazhindamine nzo, ke bamutumbijike Lesa amba, “Nanchi kine Lesa wibapa ne Bangentila nabo lulapilo lwa ku bumi!”

Byubilo 16:14

Ne mwanamukazhi umo jizhina janji Lidiya wa ku Tiyatila, mupoteshi wa kisapi kyachiluluka, aye wapopwelanga Lesa witumvwinenga, ne Nkambo washinkwile muchima wanji amba omvwishe bya ambilenga Paulo.

1 Kolinda 1:8

Ye ukemukosesha kufika ne kumpelo, amba mukekale ba kubula mambo mu juba ja Nkambo yetu Yesu Kilishitu.

2 kolinda 1:15

Kabiji najinga bingi na luketekelo mukino, nasakile patanshi kwiya ko muji namba, mukamwenemo mapesho ja bubiji.

2 kolinda 2:3

Kabiji nanembele byonkabyo na mambo a kuchiina amba, pa kwiya nakamona bulanda ku bonkaba bafwainwa kunsangajika. Kabiji nemuketekela bonse bulongotu namba, lusekelo lwami lo lwenu anweba bonse.

2 kolinda 7:16

Nasekela mambo mu bintu byonse nemuketekela bulongo.

2 kolinda 9:4

kuchiina amba, nangwa na kintu kya byepi, umvwe nkeya ko ko na bamo bena Makedonya, twakemutaana kasa mwabula kwinengezhezha jimo, atweba twakamona bumvu, (bumvu bwetu kechi bwenu ne) mu luno luketekelo.

Ngalatiya 5:10

Amiwa nemuketekela bulongo mwi Nkambo namba, kechi mukekala na muchima ungi ne. Pakuba awa wimukatazha nangwa ng'anyi, ukamona kuzhatwa kwanji.

Efisesa 4:12

Na mambo a kwibanengezha bazhijikwa amba bekale ba kwingila mwingilo, wa kukomesha mubiji wa Kilishitu.

Filipai 1:10

namba muyuke byakila mu kuwama. Ne kwikala bakine babula mambo kufika ne ku juba ja Kilishitu.

Filipai 1:29

Mambo kechi kimupewa anweba na mambo a Kilishitu, kumwitabilatu konka ne, poso ne kumumanamina nako pamo.

Filipai 2:12

Byonkabyo, anweba batemwe bami, byonka byo mwankookejilenga moba onse, ne pano munkookele byonji kungi, twajijilai kwingila na moyo ne kuzakama mulumbulule lupulukilo lwenu,

Filipai 2:13

mambo ye Lesa wingila mwi anweba mu kwimusakisha kuuba, ne kwingila bintu byamutokela ku muchima wanji.

Filipai 2:16

Kasa mwakwachisha ku byambo bya bumi. Amba mu juba ja Kilishitu nketotelemo namba kechi nanyemene kyatu nangwa kwingila kyatu ne.

Kolose 2:12

Byo mwazhiikilwe nanji mu lubatizhilo, kabiji imo mo mwasangwilwe nanji monka mu lwitabilo lwenu lwa mu kwingila kwa aye Lesa, yenka wamusangwile mu bafu.

Tesalonika 1:3

Kasa twimuvuluka ne kuvulama ne, konka ku meso a Lesa Taata wetu, mambo a mwingilo wenu wakosa wa butemwe ne butekanye bwenu bwa luketekelo lwa mwi Nkambo yetu Yesu Kilishitu.

2 Tesalonika 1:11

Onkao mambo kyo kyo twimulombelela moba onse. Amba Lesa wetu akemulanguluke amba mwilufwainwa lwito lwenu. Ne kufikizha kusaka kwenu konse kwa buwame ne mingilo yonse ya lwitabilo na bulume.

2 Tesalonika 3:4

Kabiji tuji na luketekelo mwi Nkambo na mambo a anweba namba, mu bena kwibyuba kabiji mukebyubanga abya bintu byo twimukambizha.

Filemonyi 1:21

Naketekela namba mu kankookela, nemunembela kasa nayuka namba, mukebyuba ne bikwabo byo nabula kuteela.

Bahebelu 10:35

Onkao mambo kechi mutaye kuchinchika kwenu ne, mambo kuji na mfweto ikatampe.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

1 Petelo 5:10

Kabiji aye Lesa wa bupe bonse, yenkaye wimwichile mwi Kilishitu ku lukumo lwanji lwa myaka, pakupwa kumanama ka kimye kacheche aye mwine ukemulumbulula, ne kwimwikajika ne kwimukosesha.

2 Petelo 3:10

Bino juba ja Nkambo jikeya nobe ngivi. Mo mo bikapita bya mwiulu na kiwowo kikatampe, ne bijimo bikasunguluka na kyuya kya malwa, ne ntanda ne mingilo yaingijilwapo ikasololwa patoka.