Filipai 1:11 - KNTP

¹¹ Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Filipai 1:11 Iomraidhean Croise

Mateo 5:16

Byonkabyo kyeya kyenu kimweke ku meso a bantu; bamone mingilo yenu yawama, ne kumutumbijika Shenu uji mwiulu.”

Yoano 15:16

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 15:2

Misampi yonse iji mwi amiwa ibula kupanga bipangwa, beifumyako, ne yonse misampi ipanga bipangwa, nayo beiwamisha, pakuba amba ipange byavula.

Yoano 15:8

Monka mu kino mo batumbijikilwa bataata, pa kupanga bipangwa byavula anweba, byonkabyo mukekala ke baana bami babwanga.

Loma 15:28

Byonkabya byo nkapwisha kino, ne kwibafikizhizha bino bya bupe, po po nkapita kwenu byo nkayanga ku Sipeni.

Loma 6:22

Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka.

1 Kolinda 10:31

Byonkabyo nangwa muja, nangwa mutoma, nangwa muuba kya byepi, byonse kasa mwibyubila lukumo lwa Lesa.

2 kolinda 9:10

Kabiji aye umumwena mbyaji nkunwa, ne kajo ka kuja, ukemumwena nkunwa yenu ya kubyala ne kwiivuzha, ne kuvuzha bipangwa bya bololoke bwenu.

Efisesa 1:12

amba atweba batanshi baketekejile mwi Kilishitu, twikale ke ba kumuletela lutotelo lwa kutota lukumo lwanji.

Efisesa 1:14

Ye bukikizhi bwa buswanyi bwetu, mu kupembela kukuulwa kwa banji bo emwenejile jimo mwine, mukuleta lutootelo lwa kutota lukumo lwanji!

Efisesa 2:10

Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Efisesa 5:9

(mambo bipangwa bya kyeya biji mu buwame bonse ne bololoke ne bukine),

Filipai 4:17

Kabiji kechi naamba mambo nasakatu kutambula bya bupe ne, bino kine kyo nasaka namba anweba mwikale na bipangwa byavula.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

2 Tesalonika 1:12

Amba jizhina ja Nkambo yetu Yesu jitumbijikilwe mwi anweba, ne anweba mwi aye, monka mwayila bupe bwa Lesa wetu ne bwa Nkambo Yesu Kilishitu.

Titusa 3:14

Kabiji bantu betu nabo bafunde kwingila mingilo yawama, bamwenemo byawama, kuchiina kwikala ke baatu.

Bahebelu 12:11

Kufundwa konse kechi kuleeta lusekelo ne kana bulanda, pakuba kulutwe kwi abo bonse bakosela monka kwibaletela bipangwa bya mutende, bo bololoke.

1 Petelo 2:12

Bwikalo bwenu bwikale bwafwainwa mu Bangentila, amba nangwa be muneena bibi nobe mwi babi, bakamone mingilo yenu yawama ne kumutumbijika Lesa mu juba jo akebapempula.

1 Petelo 2:5

Kabiji ne anweba pamo nobe mabwe omi, mubena kushimikwa ke nzubo ya bumupashi amba, mwikale bung'anga bwazhila, bwa kulambula bitapisho bya bumupashi, byaitabilwa kwi Lesa mwi Yesu Kilishitu.

1 Petelo 2:9

Pakuba anweba mwi kisemi kyasalululwa, mwi ba bung'anga bwa bufumu, mwi mukoka wazhila, mwi bantu banonkwa kwi Lesa mwine amba, mulondolole byanji bya wamisha, yenka aye wimwichile kufuma mu mfishi kwiya mu kyeya kyanji kya ku kumya.

1 Petelo 4:14

Umvwe bemwambila bya mwenga na mambo a jizhina ja Kilishitu mwatokwa, mambo Mupashi wa lukumo, ne Mupashi wa Lesa waikala pe anweba.