Filipai 1:1 - KNTP

¹ Kufuma kwi Paulo ne Timoti bakalume bakwa Kilishitu Yesu. Ku bonse bazhijikwa baji mwi Kilishitu Yesu, baji mu Filipai ne bantangi balama kipwilo pamo ne bankwasho.

Filipai 1:1 Iomraidhean Croise

Mako 13:34

Kyapasha nobe muntu waya pa lwendo, upana luusa pa nzubo yanji ku bakalume banji, au mwingilo wanji au wanji, ne kukambizha malonda wakulama kibelo kulaba ne kukenkenta.

Yoano 12:26

Umvwe muntu usaka kung'ingijila amiwa, andondelenga, ne konji amiwa, wamwingilo wami ukekala konka. Ne bataata ba ka munemeka awa ung'ingijila amiwa.

Byubilo 1:20

Mambo kyanembwa mu buku wa Masalamo amba, “Kifulo kyanji poaikajile paluke ke pamasala, Kechi pekale muntu nangwa umo ne. Kabiji amba, bukulumpe bwanji ungi ebuje.”

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Byubilo 9:13

Bino aye Ananyasa wakumbwile amba, “Nkambo, namumvwa ku bantu bavula uno muntu, byoeboba byatama byavujisha bazhijikwa benu ba ku Yelusalema.

Loma 1:1

Paulo, kalume wa Yesu Kilishitu, waitwa amba ekale mutumwa wapatwilwa Mambo Awama a Lesa.

Loma 1:7

Ku bonse baji mu Loma, bo batemwa kwi Lesa kabiji baitwa amba bekale ke bazhijikwa. Bupe bwikale ne anweba ne mutende bifuma kwi Lesa Taata ne kwi Nkambo Yesu Kilishitu.

1 Kolinda 16:10

Kabiji umvwe Timoti wafika koko, mukekale nanji bulongo, mambo ye wamwingilo wa Nkambo pamotu ne amiwa.

2 kolinda 1:1

Paulo, mutumwa wa Kilishitu Yesu, monka mwaswila muchima wa Lesa, ne Timoti mulongo wetu. Ku kipwilo kya Lesa kiji mu Kolinda, ne ku bazhijikwa bonse baji mu Akaya monse.

Ngalatiya 1:10

Nanchi pano nasaka namba bantu bantale bulongo nyi, inyi Lesa? Nangwa mbena kukeba kwibatokesha bantu pa muchima nyi? Kabiji inge nkibatokesha bantu pa muchima inge kechi ne kalume wa Kilishitu ne.

Ngalatiya 3:26

Mambo anweba bonse pano mwi baana ba Lesa monka mu lwitabilo lwa mwi Kilishitu Yesu.

Ngalatiya 3:28

Pano kechi kuji mu Yudea nangwa mugiliki ne. Kechi kuji muzha nangwa mwana bene ne, kechi kuji mwanamulume nangwa mwanamukazhi ne. Mambo bonse mwiumo mwi Kilishitu Yesu.

Efisesa 1:1

Paulo, mutumwa wa Kilishitu Yesu monka mwayila muchima wa Lesa. Ku bazhijikwa baji mu Efisesa, bakishinka ba mwi Kilishitu Yesu.

Efisesa 1:15

Na onka ano mambo, amiwa byo naumvwa mambo a lwitabilo lwenu lwa mwi Nkambo Yesu, ne butemwe bomumwesha ku bazhijikwa bonse,

Efisesa 6:24

Bupe bwikale na bonse batemwa Nkambo yetu Yesu Kilishitu na butemwe bubula kupwa.

Filipai 2:19

Naketekela mwi Nkambo Yesu kumutuma Timoti ko muji katataka, pakuba amba ne amiwa nkatundaikwe pakumvwa byo mwaikala.

Filipai 2:5

Ikalai na ye uno muchima mwi anweba, yenka waji mwi Kilishitu Yesu:

Filipai 3:12

Kechi kya kwamba amba natambula kala ne, nangwa amba, nalumbululwa kala ne. Bino mbena kwibikako namba nkekikwate kyonkakya kyo bankwachiile kwi Kilishitu Yesu.

Filipai 3:3

Atweba, yetu bene baji na mukanda wa kine, tupopwela na Mupashi wa Lesa ne kwitotela mwi Kilishitu Yesu ne kubika nangwa pacheche luketekelo mu buntunshi ne.

Filipai 3:8

Kine, ne bimona byonse ke byatu na mambo a kuwama kwa muneema wa kumuyuka Kilishitu Yesu Nkambo yami. Na mambo a aye naswa kuleka ne kutaya byonse ne kwibimona nobe binchatu, namba mmwenemo Kilishitu

Tesalonika 1:1

Paulo, ne Silivanusa ne Timoti. Ku kipwilo kya bena Tesalonika kya mwi Lesa Taata ne mwi Nkambo Yesu Kilishitu. Bupe ne mutende bikale ne anweba.

Tesalonika 2:2

Nangwa twamanamine ne kubiwa byatamisha bya bumvu ku Filipai, monka mo mwayukila ne anweba bene, twachinchikile mwi Lesa wetu na kwimusapwila Mambo Awama a Lesa monka mu bulwi bwavula.

2 Tesalonika 1:1

Paulo, ne Silivanusa ne Timoti. Ku kipwilo kya bena Tesalonika, kya mwi Lesa Taata wetu ne Nkambo Yesu Kilishitu.

2 Tesalonika 1:10

mu joja juba byo akeya na kutumbijikilwa mu bazhijikwa banji ne kumukomoka ku bonse baitabila. Mambo ne anweba mwaitabijile kushimuna kwetu.

1 Timoti 1:2

Kwi Timoti, mwanami wa kine mu lwitabilo. Bupe, ne lusa, ne mutende, bifuma kwi Lesa Taata ne kwi Kilishitu Yesu, Nkambo yetu, bikale ne obewa.

1 Timoti 3:8

Pamo byonkabyo ne bankwasho ba kipwilo nabo bekale bashing'ama, kechi ba njimi ibiji ne, nangwa batomatoma binyu ne, nangwa ba lwiso lwa mali ne.

Titusa 1:1

Paulo, kalume wa Lesa, kabiji mutumwa wa Yesu Kilishitu. Nasalulwilwe monka mwayila lwitabilo lwa basalululwa ba Lesa, mu kwibayukisha bukine, mwayila munema wa kunemeka Lesa,

Titusa 1:7

Mambo mukulumpe ulama kipwilo wafwainwa kwikala wabula mambo byo aji kalama wa mwingilo wa Lesa. Kechi usakatu monka mwaswila muchima wanji mwine ne, nangwa uzhingila bukiji ne, nangwa upendwa maalwa ne, nangwa upumang'ana ne, nangwa wa lwiso lwa mali ne.

Filemonyi 1:1

Paulo, kaili wa Kilishitu Yesu, ne Timoti mulongo wetu. Kwi Filemonyi mutemwe ne mukwetu mu mwingilo umo,

Bahebelu 13:23

Yukai amba mulongo wetu Timoti wafumamo mu kaleya. Umvwe waiya bukiji tukamonang'ana nenu pamo ne aye.

Yakoba 1:1

Yakoba, kalume wa Lesa ne wa Nkambo Yesu Kilishitu. Ku mikoka jikumi na ibiji yapalang'enamo mutende.

1 Petelo 2:25

Mambo anweba mwaendelenga kyendeende nobe mikooko yalubilamo, pakuba pano mwabwela kwi Kafunga ne Kalama wa michima yenu.

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.

Yuda 1:1

Yuda, kalume wa Yesu Kilishitu, mulongo wanji Yakoba. Kwi abo baitwa, batemwe ba mwi Lesa Taata, balaminwa Yesu Kilishitu.

Lumwekesho 1:1

Lumwekesho lwa Yesu Kilishitu, lwamupele Lesa amba, akebabuule bakalume banji, bintu bikamweka palutwe kacheche. Kabiji watumine malaika wanji na kumubuula kalume wanji Yoano.

Lumwekesho 1:20

Bino akya kyafyamika kya atwa tubangabanga tutanu na tubiji to wajikumona mu kuboko kwami kwa kilujo, ne abya bitulwapo malampi bitanu na bibiji bya ngolode, byo byo bino; atwa tubangabanga tutanu na tubiji bo bamalaika ba byobya bipwilo bitanu na bibiji, kabiji abya bitulwapo malampi bitanu na bibiji byo bipwilo bitanu na bibiji.”

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.

Lumwekesho 2:12

Kabiji kwi aye malaika wa mu kipwilo kya Pelegamuma unembe amba; “Aye uji na mpoko yatwa kubiji wa amba bino amba,

Lumwekesho 2:8

“Kabiji kwi aye malaika wa mu kipwilo kya mu Simulina unembe amba; “Aye mutanshi ne wapelaako, yenkaye wafwile ne kwikala na bumi jibiji, wa amba bino amba,

Lumwekesho 22:9

Bino aye wang'ambijile amba, “Kileke! Amiwa ne mukwenu wa mu mwingilo umo pamo ne bakwenu bangauzhi, ne boba balama byambo bya mu ye uno buku. Popwela Lesa!”