Filemonyi 1:22 - KNTP

²² Ne pa kimye kimo, byonkabyo nengezhai ne mwakufikila amiwa, mambo na mambo a milombelo yenu, naketekela namba, nkapanwa kwi anweba.

Filemonyi 1:22 Iomraidhean Croise

Byubilo 27:24

Ne aye wajikung'ambila amba, Paulo! Kuchiina ne; wafwainwa obewa kukemana ku meso a kwa Kesala. Kabiji tala, Lesa wakupa bonse bo uji naabo mu bwato.

Byubilo 28:23

Byo bamutongwejile jimo juba, baishile bavula koafikijile. Kufuma lukeelo kufika ne mabanga wibalumbulwijile, kasa ebabujisha mambo a bufumu bwa Lesa, ne kweseka kwibetabizha mambo a aye Yesu, kufuma mu buku wa mizhilo wakwa Mosesa ne kufuma mu bangauzhi.

Loma 15:24

naketekela namba, ponka pa kukayanga ku Sipeni, nkemumona pa lwendo lwami, ne kutambula bukwasho kufuma kwi anweba bwa pa lwendo lwami, patanshi nkekala nenu bang'ondo bacheche.

2 kolinda 1:11

ne anweba kasa mwitukwasha pamo na milombelo yenu. Namba bantu bavula basante na mambo a atweba ne a bibusa byo twapewa na mambo a milombelo ya bavula.

Filipai 1:19

mambo nayuka namba kupichila mu milombelo yenu ne na bukwasho bwa Mupashi wa Yesu Kilishitu kino kikekala ke bupokolweshi bwami,

Filipai 2:24

Kabiji nji na luketekelo mwi Nkambo namba pakupita kakimye kacheche ne amiwa nsakukeya ko muji.

Bahebelu 13:19

Kabiji ne musashijila kine namba mulombe kino, mbwezhiwe koko ko muji bukiji.

Bahebelu 13:23

Yukai amba mulongo wetu Timoti wafumamo mu kaleya. Umvwe waiya bukiji tukamonang'ana nenu pamo ne aye.

Yakoba 5:16

Byonkabyo isolwelai mambo enu anweba bene na bene ne kwilombelela, mubukiwe. Lulombelo lwa muntu waoloka luji na bulume mu mingilo yo lwingila.

2 Yoano 1:12

Nangwa nji na byavula bya kwimunembela, kechi nasaka kunemba pa pepala ne na inki ne; pakuba naketekela kwiya ko muji ne kwamba nenu kasa tutalang'ana, namba lusekelo lwetu lukafikile.

3 Yoano 1:14

Naketekela kwimumona katataaka, bino tukesambe kasa twimona.