Efisesa 6:6 - KNTP

⁶ Kechi ku meso konka nobe wasaka kwibatokeshatu bantu pa muchima ne, poso mwafwainwa bakalume ba Kilishitu, kasa muba kyaswa muchima wa Lesa na muchima yense.

Efisesa 6:6 Iomraidhean Croise

Mateo 12:50

Mambo aye uba kyaswa muchima wa Taata wa mwiulu, awa ye mulongo wami, ye nyenga yami, kabiji ye mama.”

Mateo 7:21

“Kechi bonse bang'ambila amba, Nkambo! Nkambo! Bakatwela mu bufumu bwa mwiulu ne; poso awa uba kyaswa muchima wa Taata wa mwiulu.

Mako 3:35

Aye uba kyaswa muchima wa Lesa ye mulongo wami, ye nyenga yami, kabiji ye mama.”

Loma 6:17

Bino sante ekale kwi Lesa! Mambo anweba nangwa mwajinga bazha ba bundengamambo pano mwakookela na muchima yense awa musango wa lufunjisho lo mwatambwile.

1 Kolinda 7:22

Mambo aye waichilwe mwi Nkambo kasa aji mu buzha, wa aluka ke mwana bene wa Nkambo, byonkabyo ne aye waichilwe kasa aji mwana bene, naye ye kalume wa Kilishitu.

Ngalatiya 1:10

Nanchi pano nasaka namba bantu bantale bulongo nyi, inyi Lesa? Nangwa mbena kukeba kwibatokesha bantu pa muchima nyi? Kabiji inge nkibatokesha bantu pa muchima inge kechi ne kalume wa Kilishitu ne.

Efisesa 5:17

Onkao mambo kechi mwikale bakosama ne, yukai mwayila kyaswa muchima wa Nkambo.

Filipai 2:12

Byonkabyo, anweba batemwe bami, byonka byo mwankookejilenga moba onse, ne pano munkookele byonji kungi, twajijilai kwingila na moyo ne kuzakama mulumbulule lupulukilo lwenu,

Kolose 1:9

Na onkao mambo ne atweba kufuma ku joja juba jo twikyumvwine, kechi tuzhikilwa kwimulombelela ne. Twimulombelela namba muyulwe na maana a kuyukisha kyaswa muchima wa Lesa mu maana onse ne milangwe ya bumupashi.

Kolose 4:12

Epafalasa mulongo wenu, kalume wa Kilishitu Yesu, wimwimuna. Bimye byonse aye wimulukuchila mu milombelo yanji amba, mwikale bashikamatu, bakoma mu lwitabilo monse mwaswila muchima wa Lesa.

Tesalonika 2:4

Pakuba tusapwila monka mo twaitabilwa kwi aye Lesa amba, twikale ba ketekelwa mu kusapwila Mambo Awama, imo mo twambila. Kechi mu kutokesha bantu pa muchima ne, kana Lesa yenka weseka michima yetu.

Tesalonika 4:3

Mambo kino kyo kyaswa muchima wa Lesa amba mwikale bazhila, muzhile bulalelale.

Bahebelu 10:36

Mambo kimufwainwa kutekanya, amba pa kupwisha kuuba kyaswa muchima wa Lesa mukatambule kyalayilwe.

Bahebelu 13:21

emupe bintu byonse byawama, mube kyaswa muchima wanji, kasa engila mwi atweba kyonka kyawama ku meso anji, monka mwi Yesu Kilishitu. Kwi aye kwikale lukumo myaka ne myaka! Amena.

1 Petelo 2:15

Mambo kino kyo kyaswa muchima wa Lesa amba, monka mukuuba byawama muzhindamike bumbulwa maana bwa ba bilubi.

1 Petelo 4:2

Amba pano mu bimye byenu bya bumi byashalaako bya mu mubiji kechi mukisakenga bya lwiso lwa buntunshi ne, poso kulondela kyaswa muchima wa Lesa.

1 Yoano 2:17

Kabiji panopantanda pabena kupita na lwiso lwapo, bino aye uba kyaswa muchima wa Lesa ukekala myaka ne myaka.