Efisesa 6:13 - KNTP

¹³ Onkao mambo shikulai byonse bya nkondo bya Lesa, namba mukonshe kwimana kasa mwakosa mu juba jibi, ne pakupwa kuuba byonse, kasa mwaimana ponka.

Efisesa 6:13 Iomraidhean Croise

Luka 21:36

Bino jimukai anweba moba onsetu ne kulomba mukakonshe kupuluka ku byobya byonse bikafika ne kwimana ku meso a Mwana Muntu.”

Luka 8:13

Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Loma 13:12

Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

2 kolinda 10:4

Mambo byela bya bulwi bwetu kechi byo bya buntunshi ne, nanchi byo bya bulume bukatampe bufuma kwi Lesa bwa kukundula masakwa akosa. Tukundula mapata a bubela;

Efisesa 5:16

Kasa mwingijisha bimye bulongo, mambo ano moba atama.

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

Kolose 4:12

Epafalasa mulongo wenu, kalume wa Kilishitu Yesu, wimwimuna. Bimye byonse aye wimulukuchila mu milombelo yanji amba, mwikale bashikamatu, bakoma mu lwitabilo monse mwaswila muchima wa Lesa.

Yakoba 4:7

Byonkabyo nekenenai Lesa. Pakuba Diabola, mukanyai ne aye ukemunyema.

1 Petelo 4:1

Byonka byo amanamine Kilishitu mu mubiji, ne anweba vwalai bya nkondo na muchima wa byonkabyo, mambo aye wamanama mu mubiji ye waleka kulenga mambo.

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 6:17

Mambo juba jikatampe ja bukaji bwabo jafika, kabiji ng'anyi wakonsha kwimana?”