Efisesa 6:12 - KNTP

¹² Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

Efisesa 6:12 Iomraidhean Croise

Mateo 16:17

Ne Yesu wamwambijile amba, “Mwatokwa anweba ba Shimona mwana Yona! Pakuba kechi buntunshi bwa nyama ne mashi bo bwi musolwelakyo ne, poso Taata uji mwiulu.

Mako 4:19

bino bya kusakasaka bya pano pantanda ne bya bujimbijimbi bwa bunonshi, ne kusakasaka kwa bintu bikwabo, pa kutwela bipaya aa mambo ne kupanga bipangwa ne.

Luka 13:24

“Kosakanai mutwele pa kibelo kyakepa. Mambo bavula, nemwambila namba bakasaka kutwela bino kechi bakakonsha ne.

Luka 22:53

Byo najinga nenu moba onse mu nzubo ya Lesa, kechi mwatanyikile maboko enu amba munkwate ne, pakuba pano kyo kimye kyenu ne kya luusa lwa mfishi.”

Yoano 12:31

Pano kino kyo kimye kya kuzhatwa kwa pano pantanda, pano mfumu wa pano pantanda ukapangwa.

Yoano 14:30

Pano kechi ng'ambe nenu byavula ne, mambo mfumu wa pano pantanda kaiye. Aye kechi uji na luusa pe amiwa ne,

Yoano 16:11

na mambo a bunchiba mambo, mambo mfumu wa pano pantanda wachibilwao ne kuzhatwa.

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Loma 8:38

Mambo amiwa nayukishatu namba, nangwa lufu, nangwa bumi, nangwa bamalaika, nangwa bene bakatampe, nangwa bintu byakatataka, nangwa bintu bikeyako, nangwa bya bulume,

1 Kolinda 15:50

Pano nemwambila anweba bakwetu namba, mibiji ya nyama ne mashi kechi yakonsha kuswana bufumu bwa Lesa ne, kabiji kubola kechi kwakonsha kuswana kubula kubola ne.

2 kolinda 11:14

Kabiji kino kechi kyokya kukumya ne, mambo ne Satana naye wialula nobe malaika wa kyeya!

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Ngalatiya 1:16

kunsolwela mwananji amiwa, amba nkasapwile mambo anji ku Bangentila, ponkapo kechi nakepwizhe bakwetu ba ku mubiji wa nyama ne mashi ne.

Efisesa 1:21

Kupitaila kwine kwapela bufumu bonse, ne luusa lonse, ne bulume bonse, ne bunkambo bonse, ne mazhina onse atelwa, kechi onka apa ino ntanda ne, ne apa ikeya kulutwe.

Efisesa 1:3

Atotwe Lesa, Shanja Nkambo yetu Yesu Kilishitu, ye witubijiile bibusa byonse bya mwiulu, bya bumupashi mwi Kilishitu.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Efisesa 3:10

amba pano na mambo a kipwilo maana a Lesa a misango ne misango asoloke ku bakatampe bene ne ba luusa ba mwiulu.

Kolose 1:13

Aye witupokolwele mu luusa lwa mfishi ne kwitutuntulwila mu bufumu bwa Mwananji yeatemwisha,

Kolose 2:15

Kabiji wibangachile bilwilo byabo byonse bapashi ba bulume ne ba luusa, ne kwibamwesha bumvu patoka ne kwi bashinjila ponka pa musalabu.

2 Timoti 2:5

Pamo byonkabyo, inge muntu waeseka kushindang'ana mu bisela, kechi akavwikwe munchinya ne, poso washindang'ana monka mwayila mizhilo.

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Bahebelu 12:4

Mukyangye kwibukanya bundengamambo kufika ne pa kwichila mashi enu pakulwa naabo.

1 Petelo 3:22

Aye waya mwiulu, kabiji uji ku kilujo kya Lesa, ne bamalaika ne ba luusa, ne ba bulume kasa bamunekenena.