Efisesa 6:11 - KNTP

¹¹ Vwalai byonse bya nkondo bya Lesa, namba mukonshe kwimana kasa mwakosa ku bya bujimuku bya Diabola.

Efisesa 6:11 Iomraidhean Croise

Mako 13:22

Mambo kukamweka ba kilishitu ba bubela ne bangauzhi ba bubela. Kabiji bakamwesha biyukilo ne bya kukumya, mu kwibatwala mungi basalululwa, umvwe kyakonsheka kuubiwa.

Loma 13:12

Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

Loma 13:14

Bino anweba vwalai Nkambo Yesu Kilishitu, kechi mwimwene jimo nangwa mucheche mwakuubila bya lwiso lwa buntunshi ne.

1 Kolinda 10:13

Kafwako lweseko lwimufikila lo babula kumona bantu bakwabo ne. Mambo Lesa ye wakishinka kechi ukemuleka amba, mumone lweseko lwakila pa bulume bwenu ne, bino mu lweseko ukemumwena jishinda ja kupulukilamo, amba mumone mwa kwilukonshesha.

2 kolinda 10:4

Mambo byela bya bulwi bwetu kechi byo bya buntunshi ne, nanchi byo bya bulume bukatampe bufuma kwi Lesa bwa kukundula masakwa akosa. Tukundula mapata a bubela;

2 kolinda 11:3

Kabiji nachiina namba, nangwa na kya byepi, michima yenu yakabipishiwa ne kufuma kuyewa muchima umo ne wawama wata kwi Kilishitu, byonka byo amujimbaikile Evwa aye mulolo mu bujimuku bwanji.

2 kolinda 2:11

Kuchiina amba, Satana waketujimukila, mambo twayuka bya bujimuku bwanji.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

2 kolinda 6:7

ne mu mambo a bukine ne mu bulume bwa Lesa, ne na byela bya nkondo bya bololoke mu kuboko kwa kilujo ne kwa kipiko.

Efisesa 4:14

Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

Efisesa 4:24

ne kuvwala bumuntu bupya bwalengwa mu bololoke ne buzhile bwa bukine monka mwaikajila Lesa.

Efisesa 6:13

Onkao mambo shikulai byonse bya nkondo bya Lesa, namba mukonshe kwimana kasa mwakosa mu juba jibi, ne pakupwa kuuba byonse, kasa mwaimana ponka.

Kolose 3:10

kabiji mwavwala bu muntu bupya, bo bubena kusangulwa ke bupya mu kumona maana monka mwayila kipasha kya yewa wibulengele.

Tesalonika 5:8

Kabiji atweba byotuji bamute, twikale batekanya, tuvwale kyela kya pa kyaji kya lwitabilo ne butemwe, ne kya ku mutwe kya luketekelo lwa lupulukilo.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

Yakoba 4:7

Byonkabyo nekenenai Lesa. Pakuba Diabola, mukanyai ne aye ukemunyema.

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

Yuda 1:24

Pano kwi aye wakonsha kwimulama ne kwimukanya kwituntula, ne kwimwikazha monka mu kyenyi kya lukumo lwanji, kwa kubula bulema, monka mu lusekelo lukatampe.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.

Lumwekesho 2:24

Pakuba kwi anweba bonse mu Tiyatila, babula kwibiyuka byo batela bamo amba, byazhika bya kwa Satana. Kwi anweba naamba namba, kechi nkemutwikapo kisendwa kikwabo ne.