Efisesa 6:10 - KNTP

¹⁰ Kabiji pano kyapelaako, ikoseshainga mwi Nkambo, ne mu bulume bwa ngovu yanji.

Efisesa 6:10 Iomraidhean Croise

1 Kolinda 16:13

Labainga ne kukenkenta, koselai mu lwitabilo, mwikale bachinchika, kosai.

2 kolinda 13:11

Kyapelaako, anweba bakwetu, sekelai mulumbuluke; kasa mukosesha michima yenu, mwikale na muchima umo, ikalai mu mutende. Kabiji aye Lesa wa butemwe ne wa mutende ukekala neenu.

Efisesa 1:19

Ne mwayila bukata bwine bwa bulume bwanji bwa kwi atweba baitabila, monka mwayila akwa kwingila kwa bulume bwa ngovu yanji,

Efisesa 3:16

Ndomba namba emukoseshe na bulume mu bumuntu bwenu bwa mukachi na Mupashi wanji, monka mwayila bunonshi bwa lukumo lwanji,

Filipai 3:1

Kyapelaako, balongo bami sekelai mwi Nkambo. Kwimunembela bintu bimo byonka kwi amiwa, kechi kyankatazha ne. Bino kwi anweba ke kya kwimukikizha.

Filipai 4:13

Nakonsha kuuba bintu byonse mwi aye unkosesha.

Filipai 4:8

Kyapelaako, balongo bami, langulukai byonse bya kine, ne byonse bya mushingi, ne byonse byaoloka ne byonse byawamisha, ne byonse bya buuya, ne byonse bya lusa, kabiji umvwe kobuji buwame ne lutotelo, bilangulukai bino bintu.

Kolose 1:11

Bemukoseshe na bulume bonse monka mwayila ngovu ya lukumo lwanji. Ne na butekanye bonse, ne kukooka muchima ne lusekelo pamo.

2 Timoti 2:1

Byonkabyo obewa mwanami, ukose mu bupe buji mwi Kilishitu Yesu.

2 Timoti 4:17

Pakuba aye Nkambo waimene pamo ne amiwa na kunkosesha, amba monka mwi amiwa mambo asapwilwe ne kukumbana konse, Bangentila bonse beomvwe kabiji napokolwelwe mu kanwa ka bokwe.

1 Petelo 3:8

Pano kyapelako: anweba bonse ikalai bamuchima umo, ba lusa, batemwang'ana byo muji balongo na balongo, ba michima yanekena, ne kwipelula.

1 Petelo 4:11

Awa wamba, ambe kyafwainwa byambo bya Lesa; awa wingila engile na bulume boapana Lesa, amba mu byonse aye Lesa atumbijikilwe monka mwi Yesu Kilishitu, kwi aye kwikale lukumo ne bulume myaka ne myaka. Amena.

1 Petelo 5:10

Kabiji aye Lesa wa bupe bonse, yenkaye wimwichile mwi Kilishitu ku lukumo lwanji lwa myaka, pakupwa kumanama ka kimye kacheche aye mwine ukemulumbulula, ne kwimwikajika ne kwimukosesha.

1 Yoano 2:14

Mbena kwimunembela anweba, bashaabo, mambo mwamuyuka wa ku ntendekelo. Mbena kwi munembela anweba, bansongwalume, mambo mwakosa, ne mambo a Lesa aikala mwi anweba, ne anweba mwamushinda aye mubi.