Efisesa 5:9 - KNTP

⁹ (mambo bipangwa bya kyeya biji mu buwame bonse ne bololoke ne bukine),

Efisesa 5:9 Iomraidhean Croise

Mateo 3:8

Byonkabyo pangai bipangwa byafwainwa lulapilo.

Yoano 1:47

Aye Yesu wamumwene Natanela kasa eya ko aji, wamwambijile amba, “Talai, mwina Isalela wa kine wabula bujimuku.”

Loma 15:14

Anweba bakwetu, ne amiwa mwine muchina wami wimuketekela bulongo namba, ne anweba bene mwayula byawama, mwayuzhiwa na maana onse, ne kuyuka mwayuka kwifunda anweba bene na bene.

Loma 2:4

Inyi wasulatu kuvula kwa lusa lwanji ne kutekanya kwanji ne kukooka muchima kwanji, ne kuyuka amba, lusa lwa Lesa lwayila mukuuba amba, ulapile nyi?

Efisesa 4:15

Pa kwamba bukine monka mu butemwe, tukomenga mwi aye mu bintu byonse, yenkaye mutwe wetu Kilishitu.

Efisesa 4:25

Onkao mambo muleke bubela, “Kasa mwiambila bya bukine anwe bene na bene” mambo atweba bene na bene twi bya mubiji umo.

Efisesa 6:14

Byonkabyo imanai, kasa mwanyingisha mukwato wa bukine mu bifuka byenu, ne kuvwala kyela kya pa kyaji kya bololoke,

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Kolose 3:18

Anweba banabakazhi basongolwa, nekenenai bamwata wenu, monka mo kyafwainwa mwi Nkambo.

1 Timoti 6:11

Pakuba obewa, muntu wa Lesa, unyemeko ku byo bino bintu. Sakisha bololoke, ne munema wa kunemeka Lesa, ne lwitabilo, ne butemwe, ne butekanye, ne bukimote.

Bahebelu 1:8

Bino Lesa pakwamba na mambo a Mwana aye amba, “Jitanda jobe obewa Lesa, jo ja myaka ne myaka! Kabiji ulama bufumu bobe na bololoke.

Bahebelu 11:33

Mo mu lwitabilo abo mo bashinjile byalo bya mu bufumu bwavula, ne kufikizha bololoke, ne kutambula milaye, ne kushinka tunwa twa mabokwe,

1 Yoano 2:29

Umvwe mwayuka amba ye waoloka, mwafwainwa kuyuka kine amba bonse boba bololoke basemwa kwi aye.

3 Yoano 1:11

Anweba batemwe, kechi mulondele akya kyatama ne, pakuba londelaiko akya kyawama. Awa uba byawama ye wa kwa Lesa, awa uba byatama kechi wamumonapo Lesa ne.