Efisesa 5:8 - KNTP

⁸ Mambo kala mwajinga mfishi, pakuba pano mwi kyeya mwi Nkambo. Endainga mwafwainwa baana ba kyeya,

Efisesa 5:8 Iomraidhean Croise

Mateo 3:8

Byonkabyo pangai bipangwa byafwainwa lulapilo.

Mateo 4:16

Bantu bekala mu mfishi bakamona kyeya kikatampe. Kabiji kwi aba baikala mu kyalo ne mu kimvule kya lufu, kyeya kikebasamina.”

Luka 1:79

mu kwibasaamina abo baikala mu mfishi ne mu kimvule kya lufu, ne kutangijila maulu etu mu jishinda ja mutende.”

Luka 16:8

“Kabiji nkambo yanji wamutotele awa kalama wabula koloka mambo waubile kya bujimuku. Mambo baana ba pano pantanda mukisemi kyabo bebakila kujimuka baana ba kyeya.”

Yoano 1:9

Akyo kyajinga kyeya kya kine, kisaamina bantu bonse, pa kwiya pano pantanda.

Yoano 12:35

Yesu wibakumbwile amba, “Muji na kyeya pa kakimye kacheche. Endai byo mukiji na kyeya, mwakeya kwijilwa na mfishi, mambo awa wenda mu mfishi kechi uyuuka ne ko aya ne.

Yoano 12:36

Ponkapo po mukiji na kyeya kitabilai kyeya, pakuba amba mwikale baana ba kyeya.” Yesu pa kupwisha kwamba bino, wafumineko ne kufyama wibafyamijile.

Yoano 12:46

Amiwa naiya nobe kyeya kya pano pantanda, namba awa wangitabila amiwa kechi akelwe kwikala mu mfishi ne.

Yoano 8:12

Ponkapo Yesu wibambijile jibiji, amba, “Amiwa ne kyeya kya pano pantanda, awa undondela amiwa kechi ukenda mu mfishi ne, ukekala na kyeya kya bumi.”

Byubilo 17:30

Kabiji aya myaka bantu ya bulubi, Lesa wiileka, pakuba pano ubena kukambizha bantu bonse konse amba balapile ne kufuma ku mashinda abo atama.

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Loma 1:21

Mambo pa kumuyuka Lesa, kechi bamutumbijikile bu Lesa ne, nangwa kupika sante ne; kabiji ba alukile ke batu mu milanguluko yabo, ne michima yabo yabula maana yafichile.

Loma 13:12

Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

Loma 2:19

ne obewa wiitabizha amba, ne ntangi wa bampofu, ne kyeya kya baji mu mfishi,

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

2 kolinda 3:18

Pakuba atweba bonse, bilungi kasa byavwetulwa, kasa tumona lukumo lwa Nkambo nobe mu katajilo, tubena kwalulwa mu kipasha kimo kyonka ne aye mwine, kufuma mu lukumo lumo kufika ne mu lukumo lukwabo, monka mo lufumina kwi Nkambo Mupashi wa Lesa.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

2 kolinda 6:14

Kechi mwikase ku kikonkoji kimo na babula kwitabila ne, mambo bololoke ne bubi bwendang'ane pamo byepi? Nangwa kyeya ne mfishi byumvwang'ane pamo byepi?

Ngalatiya 5:25

Umvwe twamwena bumi mu Mupashi, twendenga monka mu Mupashi.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Efisesa 4:18

mambo maana abo a aluka ke a mfishi, kabiji bebabanya ku bumi bwa Lesa na bulubi bo baji naabo na mambo a kukosa kwa michima yabo.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Efisesa 6:12

Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

Kolose 1:12

Kasa musanta kwi aye Taata, ye witwalwile ke bantu bafwainwa kutambula bya mu buswanyi bwa bazhijikwa bwa mu kyeya.

Kolose 1:13

Aye witupokolwele mu luusa lwa mfishi ne kwitutuntulwila mu bufumu bwa Mwananji yeatemwisha,

Titusa 3:3

Mambo ne atweba kala twajinga babula maana, bamilengulwila, bajimbaikwa, kasa twanonkwa buzha ku bya lwiso ne ku bya lusangajiko bya misango ne misango, kasa twaikala mubushikwe ne mu kikonkoma. Betushikilwe kabiji twishikilwe ne atweba bene na bene.

1 Yoano 1:7

Pakuba umvwe twenda mu kyeya byonka byo aji Aye mu kyeya, tuji mu lumvwang'ano atweba bene na bene, ne mashi a Yesu Mwananji etutokesha ku bundengamambo bonse.