Efisesa 5:5 - KNTP

⁵ Mambo kino anweba mwi kiyukishatu kine amba, kafwako mulalelale, nangwa muntu wabiipa, nangwa wa lunkumbwa, (kokuuba amba upopwela bankishi), uji na buswanyi mu bufumu bwa Kilishitu ne Lesa ne.

Efisesa 5:5 Iomraidhean Croise

Byubilo 20:32

“Ne pano nemufikizha kwi Lesa, ne ku mambo a bupe bwanji, o ayuka kwimukomesha, ne kwimupa buswanyi mwi abo bonse bazhijikwa.

Byubilo 8:21

Kechi ujimo na lubaji nangwa pachechetu mu ano mambo ne, mambo muchima wobe kechi waoloka ku meso a Lesa ne.

Ngalatiya 5:19

Kabiji mingilo ya buntunshi yamweka. Yoyo ino; bulalelale ne bubipisho ne bya bunya;

Ngalatiya 5:21

ne bikonkoma ne kupendwa ne kusangalala kubi ne bikwabotu bya musango uno. Mambo a bino bintu ne mujimuna pamo byonka byo nemujimwine kala, namba aba boba bya byonkabyo kechi bakaswana bufumu bwa Lesa ne.

Efisesa 5:3

Pakuba bulalelale ne bubipisho bonse, ne lunkumbwa, kechi mwibiswe nangwa kwibiteelatu mwenu mo muji ne, mo mwafwainwa bazhijikwa.

Kolose 1:13

Aye witupokolwele mu luusa lwa mfishi ne kwitutuntulwila mu bufumu bwa Mwananji yeatemwisha,

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

1 Timoti 6:10

Mambo kutemwa mali ye muzhazhi wa misango yonse ya bubi. Bino bamo byo beakumbilwe ebasendwile kufuma ku lwitabilo, ne kwiasa bene na bya bulanda byavula.

1 Timoti 6:17

Banonshi wibakambizhe amba, kechi bekale na michima ya kwitumbijika ne, nangwa kubiika luketekelo lwabo mu bunonshi bwa pano pantanda ne, kana mwi Lesa, ye witupa bintu byavujisha bya kusekelamo.

Bahebelu 13:4

Masongola ekale a mushingi ku bonse, ne baji mu masongola bekale bakishinka mu masongola abo. Mambo Lesa ukebazhachisha ba bulalelale ne bankende.

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.