Efisesa 5:3 - KNTP

³ Pakuba bulalelale ne bubipisho bonse, ne lunkumbwa, kechi mwibiswe nangwa kwibiteelatu mwenu mo muji ne, mo mwafwainwa bazhijikwa.

Efisesa 5:3 Iomraidhean Croise

Mateo 15:19

Mambo mukachi mu michima ya bantu mo mulupuka milanguluko yatama, ne kwipayang'ana, ne bukende, ne bulalelale, ne bwivi, ne bubela, ne bya mwenga.

Luka 12:15

Kabiji wibambijile amba, “Tekanyai, ilamai ku lunkumbwa lonse, mambo bumi bwa muntu kechi buji mu kuvula kwa bintu byo a nonka ne.”

Luka 16:14

Bafaliseo batemwa mali, byo baumvwine bino bintu byonse, abo bamwendelekele.

Byubilo 15:20

Twibanembele amba, bazhile bimo byazhijikwa na bankishi, ne bulalelale, ne nyama yo baipaya ya kubula kwichila mashi, ne mashi.

Byubilo 20:33

Kechi na kumbilwepo siliva nangwa ngolode, nangwa bivwalo bya muntu ne.

Loma 1:29

Kasa bayula na bumbulwa koloka bonse, ne bubi, ne lunkumbwa, ne nshiji, ne kuyula na kikonkoma, ne bumbanzhi, ne lutoobo, ne bujimbijimbi, ne bulwanyi, bo ba miyebe,

Loma 16:2

Namba mu mutambule bulongo mwi Nkambo mwafwainwa bazhijikwa, ne kumukwasha mu byonse byo akakajilwa, mambo ne aye naye wibakwashishenga bavula, ne amiwa mwine pamo.

Loma 6:13

Nangwa kupanapana bya mibiji yenu ku bundengamambo amba bikale bya kwingilako bya bubi ne. Poso mwipane kwi Lesa nobe bomi basanguka mu bafu, ne bya mibiji yenu nabyo mwibipane kwi Lesa bikale bya kwingilako bya bololoke.

1 Kolinda 10:8

Nangwa kuuba bulalelale byonka byo baubile abo bamo ne, abo bafwile mu juba jimo biumbi makumi abiji ne biumbi bisatu.

1 Kolinda 5:1

Kine kyaumvwanyika amba, mwi anweba muji bulalelale, naye musango wa bulalelale wabulwa mu Bangentila. Amba umo mukwenu uji na muka shanji!

1 Kolinda 6:13

“Kajo ko ka munda, ne munda namo momwa kajo” bino aye Lesa ukebizhimang'anya byonse bibiji. Mubiji kechi ye wa bulalelale ne, ye wa kwa Nkambo, ne Nkambo ye wa mubiji.

1 Kolinda 6:18

Chiinai bulalelale. Mambo onse o alenga muntu aji pangye ya mubiji; pakuba awa uba bulalelale umulenga mambo mubiji wanji mwine.

2 kolinda 12:21

Kabiji ne byo nkeya jibiji Lesa wami wakandengesha bumvu ku meso enu, kabiji nkajila na mambo a bavula balengele kala mambo, ne kulapila ku bubipisho, ne bulalelale, ne bya bunya byo baubile ne.

Efisesa 5:12

Mambo bintu byo boba kumbaji ke bumvu pa kwibiteela.

Efisesa 5:5

Mambo kino anweba mwi kiyukishatu kine amba, kafwako mulalelale, nangwa muntu wabiipa, nangwa wa lunkumbwa, (kokuuba amba upopwela bankishi), uji na buswanyi mu bufumu bwa Kilishitu ne Lesa ne.

Filipai 1:27

Bino lekai bwikalo bwenu bwikale bwafwainwa Mambo Awama a Kilishitu, namba nangwa nkeya na kwimumona, nangwa nji kungi, nkemumvwe amba, mwakosela mu mupashi umo, kasa mwibilwila na muchima umo abya byaitabilwa bya Mambo Awama.

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

Tesalonika 4:3

Mambo kino kyo kyaswa muchima wa Lesa amba mwikale bazhila, muzhile bulalelale.

Tesalonika 4:7

Mambo Lesa kechi witwichile ku bubipisho ne, kana mu kuzhijikwa.

1 Timoti 2:10

poso na mingilo yawama, byafwainwa banabakazhi beteela amba, boba kunemeka Lesa.

1 Timoti 3:3

kechi upendwa na maalwa ne, nangwa upumang'ana ne, kana wakooka muchima, ubula kutoboka, wabula kutemwa mali.

1 Timoti 6:10

Mambo kutemwa mali ye muzhazhi wa misango yonse ya bubi. Bino bamo byo beakumbilwe ebasendwile kufuma ku lwitabilo, ne kwiasa bene na bya bulanda byavula.

2 Timoti 3:2

Mambo bantu bakekala ba kwitemwatu abo bene, ba kutemwa mali, ba kwitota, ba kwilemena, ba mwenga, ba kulengulula bebasema, ba kubula kusanta, ba kubula kuzhila,

Titusa 1:11

Abo kyafwainwa kwibazhindamika, bo bantu bavulang'anya bisaka byonse pa kufunjisha bintu byabula kufwainwa, na mambo a kuuba amba bamwenemo.

Titusa 1:7

Mambo mukulumpe ulama kipwilo wafwainwa kwikala wabula mambo byo aji kalama wa mwingilo wa Lesa. Kechi usakatu monka mwaswila muchima wanji mwine ne, nangwa uzhingila bukiji ne, nangwa upendwa maalwa ne, nangwa upumang'ana ne, nangwa wa lwiso lwa mali ne.

Titusa 2:3

Ne banabakazhi bakulumpe nabo pamo, wibambile bekale byafwainwa bazhijikwa, kechi babang'ana ne, nangwa banonkwa buzha ku binyu ne, bekale ba kufunjisha byawama,

Bahebelu 12:16

Amba kechi kwikale nangwa umo wa bulalelale nangwa wabula kuzhila nobe Isao ne, yenka wapoteshe bubeji bwanji na kijiilo kimo kya kajo.

1 Petelo 5:2

Namba lamai jitanga ja Lesa jiji mwenu, kasa mwijiketa, kechi na mambo a kwimukanjikizha ne, poso na muchima wa kifyele, monka mwayila muchima wa Lesa, nangwa na mambo a mali ne, poso na muchima yense.

2 Petelo 2:10

pakuba bene bakilaamo bonkaba balondalonda bya buntunshi mu bya lwiso bya bubipisho, ne kusuula ba luusa. Bachinchika ne kulondela monka mwayila bya butunshi byo basaka, nangwa kuchiina pa kwibanena bya mwenga ba lukumo ne.

2 Petelo 2:14

Baji na meso ayuula bukende, abula kutondwa kulenga mambo. Bakokola ba michima yanekena, baji na michima yaubisha lunkumbwa, bo baana bafingwa.

2 Petelo 2:3

Kabiji monka mu lunkumbwa lwabo bakemujiila bintu na byambo byabo bya kujimbaika. Batambwile kala luzhachisho lwabo, kabiji ne lonaiko lwabo kechi lukabanda ne!

Lumwekesho 2:14

Bino nji na bimo bicheche byonatala bibi mwi obewa, mambo uji na bamo baalama lufunjisho lwa Balamu, ye wafunjishe Balaka kwibata bena Isalela kya kwituntulako kya kuja byo batapisha ku bankishi, ne kyakuuba bulalelale.

Lumwekesho 2:21

Kabiji namupele kimye namba, alapile, bino aye wakana kulapila ku bulalelale bwanji.

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.

Lumwekesho 9:21

Nangwa kulapila ku kwipayang'ana kwabo, nangwa ku bya bung'anga bwabo bwa lubuko, nangwa ku bulalelale bwabo, nangwa ku bwivi bwabo ne.