Efisesa 5:25 - KNTP

²⁵ Anweba banabalume basongola, temwai bakazhi benu, byonka byo atemenwe Kilishitu kipwilo, ne kwipana mwine na mambo a akyo.

Efisesa 5:25 Iomraidhean Croise

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Ngalatiya 1:4

Ye wipaine mwine na mambo a bubi bwetu, mu kwitupokolola ku bya pano pantanda pa katataka pabiipa, monka mwayila muchima wa Lesa Taata wetu.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Efisesa 5:24

Kabiji kipwilo byo kyamunekenena Kilishitu, byonkabyo ne banabakazhi basongolwa nabo banekenene bamwata wabo mu byonse.

Efisesa 5:28

Byonkabyo, byo byo kyafwainwa banabalume basongola nabo kutemwa bakazhi babo bene pamo nobe mibiji yabo abo bene. Awa watemwa mukazhanji, witemwa ne aye mwine.

Efisesa 5:33

Nangwa byonkabyo, anweba bonse kasa mutemwa bakazhi benu pamo byonka byo mwitemwa anweba bene, au mukazhanji au mukazhanji, ne mwanamukazhi wasongolwa naye anemeke mwata wanji.

Kolose 3:19

Anweba banabalume basongola, temwai bakazhi benu, kabiji kechi mwibashintaukile ne.

1 Timoti 2:6

ye wipaine mwine na kwibakuula bonse. O mambo ashimunwa mu myaka yao yafwainwa.

1 Petelo 3:7

Ne anweba banabalume basongola byonkabyo ikalai na bakazhi benu monka mu maana ne kwibanemeka nobe kijiilo kyakila kunekena, byo baji banswanyi pamo ne anweba ba bupe bwa bumi. Kuchiina amba milombelo yenu yakeya kulubankana.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.