Efisesa 5:21 - KNTP

²¹ Inekenenai anweba bene na bene mu kumwakamwa Kilishitu.

Efisesa 5:21 Iomraidhean Croise

1 Kolinda 16:16

nemusashijila namba mwibanekenene ba byonkabyo, ne bonse bakwasha mu mwingilo ne kwingila.

2 kolinda 5:11

Byonkabyo byo twayuka moyo wa kwakamwa Nkambo, tubena kwibasashijila bantu amba betabe. Bino aye Lesa wituyukishatu atweba kabiji naketekela namba twa sololwa patoka ne mu michima yenu pamo.

2 kolinda 7:1

Onkao mambo anweba batemwe, byo tuji na ino milaye, twitokeshe atweba bene ku bubipisho bonse bwa mubiji ne bwa mupashi, kasa tulumbulula buzhile bwetu na moyo wa kwakamwa Lesa.

Ngalatiya 5:13

Anweba bakwetu, mo mu bwana bwa bene mo mwaichilwa. Bino bwana bwa bene bwenu kechi bwikale ke bwa kubilamo bya buntunshi ne. Poso mu butemwe, mwikale ba kwiingijila anweba bene na bene.

Efisesa 5:22

Anweba banabakazhi basongolwa, nekenenai bamwata wenu, nobe Nkambo.

Efisesa 5:24

Kabiji kipwilo byo kyamunekenena Kilishitu, byonkabyo ne banabakazhi basongolwa nabo banekenene bamwata wabo mu byonse.

Filipai 2:3

Kechi mube kintu nangwa kimo mu kwilanguluka anwe bene nangwa mu kwitota kwatu ne, poso na muchima wipelula kasa mulanguluka bonse, pa muntu pa muntu amba, mukwetu wankila mu kuwama.

1 Timoti 2:11

Mwanamukazhi afunde kuzhindama na kukookela konse.

1 Timoti 3:4

Ulama bulongo bamunzubo yanji mwine, waikala na baana banji kasa bamunekenena na mushingi yense.

Bahebelu 13:17

Kookelai ba ntangi benu ne kwibanekenena. Mambo abo babena kwimukenketela na mambo a kulama michima yenu, byo baketotolwela na mambo a ayo. Umvwe mwibakookela, bakengila mwingilo wabo na lusekelo, kuchiina amba bakooba mwingilo wabo na bulanda, mambo akyo kechi kikemuletela byawama ne.

1 Petelo 2:13

Kabiji nekenenai bonse buntangi bwa bantu na mambo a Nkambo, nangwa mfumu byo aji mwine mukatampe,

1 Petelo 2:17

Nemekai bantu bonse, temwai balongo. Akamwai Lesa. Nemekai mfumu.

1 Petelo 5:5

Byonkabyo ne anweba banyike, kasa munekenena bakulumpe. Kine anweba bonse kasa muvwala michima ya kwipelula, anwe bene na bene. “Mambo Lesa wibakanya betota, bino upana bupe ku bepelula.”