Efisesa 5:2 - KNTP

² Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Efisesa 5:2 Iomraidhean Croise

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Yoano 13:34

Mukambizho mupya ye nemupa anweba, namba mwitemwe anweba bene na bene, byonka byo nemutemwa amiwa, ne anweba mwitemwe anweba bene na bene.

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Loma 15:16

amba ngikale ke wamwingilo wa Kilishitu Yesu ku Bangentila, kasa ng'ingila mu Mambo Awama a Lesa, namba kulambulwa kwa Bangentila kwitabilwe, byo kwazhijikwa na Mupashi Wazhila.

Loma 4:25

Ye wasolwelwe pa mambo etu, kabiji ne kusangulwa na mambo a kubingishiwa kwetu.

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

Loma 8:37

Ine, mu bino bintu byonse twakila mu kushinda monka mwi aye witutemenwe!

1 Kolinda 16:14

Byonse byomuba, kasa mwibyubila mu butemwe.

1 Kolinda 5:7

Fumyaimo mbizho ya kala mwikale mushinshi mupya byo muji babula mbizho. Mambo Kilishitu, mwana mukooko wetu wa lupitailo, waipayilwe kala.

2 kolinda 2:14

Bino sante ekale kwi Lesa! Ye witutangijila mu lushinjilo mwi Kilishitu moba onse, ne kusolwela mwi atweba bwema bwawama bwa maana a kumuyuka aye konse, konse.

2 kolinda 2:15

Mambo atweba twi bwema bwawama bwa Kilishitu kwi Lesa, mwi abo babena kupuluka, ne mwi abo babena konaika.

2 kolinda 8:9

Mambo mwayuka bupe bwa Nkambo yetu Yesu Kilishitu, amba, nangwa wajinga munonshi, byonkabyo na mambo a anweba waalukile ke muyanji amba, anweba monka mu buyanji bwanji mwaluke ke banonshi.

Ngalatiya 1:4

Ye wipaine mwine na mambo a bubi bwetu, mu kwitupokolola ku bya pano pantanda pa katataka pabiipa, monka mwayila muchima wa Lesa Taata wetu.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Efisesa 1:4

Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Efisesa 3:19

Ne kwibuyuka butemwe bwa Kilishitu bukankalwa maana kuyuka, namba muyule paa! Kufika ne ku kuyula konse kwa Lesa.

Efisesa 4:15

Pa kwamba bukine monka mu butemwe, tukomenga mwi aye mu bintu byonse, yenkaye mutwe wetu Kilishitu.

Efisesa 4:2

Na kwipelula konse ne bukimote, ne na kukooka muchima, kasa mwitekenya anweba bene na bene mu butemwe.

Efisesa 5:15

Tajijishai bulongo byo mwenda, kechi pamo na babula maana ne, kana pamo na bamaana.

Efisesa 5:25

Anweba banabalume basongola, temwai bakazhi benu, byonka byo atemenwe Kilishitu kipwilo, ne kwipana mwine na mambo a akyo.

Filipai 4:18

Natambula bukwasho bwavula ne kukilapo. Nabila ne kubila byo natambwile kufuma kwi Epafulodita bya bupe byo mwantumijile, bobwema bunuunka bulongo, kyo kitapisho kyaitabilwa kyamutokela Lesa pa muchima.

Kolose 3:14

Kabiji kyakila pa bino byonse vwalai butemwe, ye mukwato ulumbulula byonse.

Tesalonika 4:9

Pano na mambo a butemwe bwa kutemwa balongo kechi musake muntu emunembele ne. Mambo anweba bene mwafunjishiwa kwi Lesa kwitemwa anweba bene na bene.

1 Timoti 2:6

ye wipaine mwine na kwibakuula bonse. O mambo ashimunwa mu myaka yao yafwainwa.

1 Timoti 4:12

Kechi uleke muntu akusuule mambo wimwanyike ne, bino wikale wa kumwenako abo baitabila, mu byambo, ne mu bwikalo, ne mu butemwe, ne mu lwitabilo, ne mu bumuchima watoka.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 8:3

Mambo yense ng'anga mukatampe utongolwa amba alambule bya bupe ne bitapisho; onkao mambo kyamufwainwa ne uno ng'anga amba ekale na kyakulambula.

Bahebelu 9:14

Nanchi mashi a Kilishitu yenka wilambwile mwine kwi Lesa mu Mupashi wa myaka kasa abula bulema akakijishamo kwiitokesha michima yetu ku mingilo ifu amba tumwingijile Lesa mumi.

Bahebelu 9:23

Byonkabyo kyafwainwe bifwanyikizho bya bintu bya mwiulu kwibitokesha mu joja jishinda. Pakuba bintu bine bya mwiulu bikebewa bitapisho byawama kukila bibye.

Bahebelu 9:26

inge byo byo, kyamufwainwe amba amaname javula kufuma ku ntendekelo ya pano pantanda. Pakuba pano byo kiji bino, kuno kumpelo ya myaka aye wamweka jimo jonka na kufumya bundengamambo na kitapisho kya kwitapisha aye mwine.

1 Petelo 4:8

Kyakila byonse itemwishai anweba bene na bene. Mambo butemwe buvweta pa mambo avula.

1 Yoano 3:16

Mu kino mo twayukila butemwe byo buji, amba Kilishitu wapaine mweo wanji na mambo a atweba, kabiji ne atweba twafwainwa kwibapaina myeo yetu balongo betu!

1 Yoano 3:23

Kabiji uno ye mukambizho wanji, amba twitabile mu jizhina ja Mwananji Yesu Kilishitu, ne kwitemwa atweba bene na bene, byonka byo etu kambizha aye mwine.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.