Efisesa 5:11 - KNTP

¹¹ Kabiji kechi mumvwang'ane nayo mingilo yatu ya mfishi ne, poso konka kwibilengulula.

Efisesa 5:11 Iomraidhean Croise

Mateo 18:15

“Kabiji umvwe mulongo wobe wakubala mambo, kamubuule mambo anji pa bunke, aye ne obewa. Umvwe wakumvwa, wamubwezha mu bulongo.

Luka 3:19

Kabiji aye Yoano wamulengulwile Heloda mfumu na mambo a kwa Helodiasa, muka mulongo wanji, ne na mambo a bintu bikwabo byavula byatama byo aubile Heloda.

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Loma 13:12

Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

Loma 16:17

Anweba bakwetu, ne musashijila namba, batajishai aba baleeta lwabano ne bintu byabula kwesakana na mafunjisho o mwafunjile; mwabane naabo.

Loma 6:21

Lelo mu akya kimye ng'anyi bipangwa byo mwamwenejilemo mu byobya bintu? Bimulengesha bumvu pano mambo kumpelo ya byobya bintu ke lufu!

Ngalatiya 6:8

Mambo awa ubyajila buntunshi bwanji mwine ukanowa bubole konka ku buntunshi. Kabiji awa ubyajila Mupashi ukanowa bumi bwa myaka konka ku Mupashi.

Efisesa 4:22

Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Efisesa 5:12

Mambo bintu byo boba kumbaji ke bumvu pa kwibiteela.

Efisesa 5:7

Byonkabyo kechi mwikale ba kupwang'ana naabo ne.

Kolose 1:12

Kasa musanta kwi aye Taata, ye witwalwile ke bantu bafwainwa kutambula bya mu buswanyi bwa bazhijikwa bwa mu kyeya.

Tesalonika 5:7

Mambo bantu, tulo balaala bufuku, kabiji a ba bapendwa, nabo bapendwa bufuku.

2 Tesalonika 3:14

Kabiji umvwe muntu wakana kukookela byotwanemba mu yo ino nkalata, ao muntu mu mukenkente bulongo, kechi mwikale mu lumvwang'ano ne aye ne, amone bumvu.

2 Tesalonika 3:6

Anweba bakwetu, twimukambizha mu jizhina ja Nkambo yetu Yesu Kilishitu namba, mwabane naabo bonse balongo betu mwi Nkambo abo baikala na bukope bwa kwingila, ne kulondela mafunjisho o twimufunjishe atweba ne.

1 Timoti 5:20

Bino na mambo aboba batwajijila na kulenga mambo wibalengulule ku meso a bonse, namba bakwabo nabo bachiine.

1 Timoti 5:22

Kechi upelawizhe kutenteka maboko pa muntu nangwa umo ne, nangwa kwibiika mu mambo a bantu bakwabo ne. Wilame obewa mwine kasa watoka.

1 Timoti 6:5

ne kupachika kwa bantu ba michima yatama babula bukine, kasa balanguluka amba, munema wa kunemeka Lesa mo mwa kumwena bunonshi.

2 Timoti 3:5

kasa baji na kipashang'anotu kya muneema wa kunemeka Lesa, bino bulume bwa yeo muneema bebukana. Bano nabo wibavundamine.

2 Timoti 4:2

pa kusapwila mambo, kasa winengezhezha jimo pa kimye kyafwainwa ne pa kimye kyabula kufwainwa, wibalengulule, ne kwibakalukila, ne kwibatundaika, na kukooka muchima konse ne na lufunjisho.

Titusa 2:15

Wibifunjishenga bino bintu, kasa wibatundaika ne kwibalengulula na luusa lonse. Kechi uleke nangwa umo akusuule ne.

Lumwekesho 18:4

Ponkapo naumvwine jiwi jikwabo jafumine mwiulu amba, “Anweba bantu bami, lupukaimo mwi aye! Kechi mumvwang'ane nanji mu bya bundengamambo bwanji ne, kuchiina amba mwakeya kukwatankana nanji pamo mu bya bubi bwanji, ne kumanyikwa naji pamo na myalo yanji!