Efisesa 4:9 - KNTP

⁹ Kabiji kino kya kwamba amba, “Wakanjijile” Nanchi kyayila mu ka? Kyayila mukuuba amba, patanshi waikijile munshi mwine ya ntanda.

Efisesa 4:9 Iomraidhean Croise

Mateo 12:40

Mambo byonka byajinga Yona moba asatu, mute ne bufuku, munda mwa jisabi jikatampe; byo akooba ne Mwana Muntu ukekala moba asatu, mute ne bufuku, munda mwa mushiji.

Yoano 20:17

Kumvwa Yesu wamwambijile amba, “Kechi munkwate ne, mambo nkyangye kukanjila kwi Bataata. Pakuba yainga ku balongo bami, mukebabule amba, mbena kukanjila kwi bataata ne Shenu, kwi Lesa wami ne Lesa wenu.”

Yoano 3:13

Kafwako muntu wakanjijilemo mwiulu ne, poso yenka waikijile mwiulu, aye Mwana Muntu.”

Yoano 6:33

Ke pakuba kajo ko apana aye Lesa, ke yenkawa ufuma mwiulu, ye upana bumi ku ba pano pantanda.”

Yoano 6:38

Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma.

Yoano 6:41

Kepo Bayudea bamunyinyichilenga, mambo aye wa ambile amba, “Amiwa ne kajo kafuma mwiulu.”

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Yoano 6:58

Kano ko kajo kafuma mwiulu, kechi pamo nako bajilengapo bashakulu benu ne, pakuba abo bekajiile ne kufwa bafwile, bino awa uja ku kano kajo ukekala na bumi myaka.”

Yoano 6:62

Nanchi inge mukamone Mwana Muntu sa akanjila ko ajinga kala mukoba byepi?

Yoano 8:14

Kumvwa Yesu wibambijile amba, “Nangwa mbena kwishimuna amiwa mwine, kushimuna kwami ko kwa kine, ke pakuba nayuka ne konafuma, ne kongya, pakuba anweba kechi mwayuka konafumine ne, nangwa kongya ne.

Bahebelu 2:7

Mwamupelwile kimye kicheche kukila bamalaika; Bino mwamuvwikile lukumo ne buneme,

Bahebelu 2:9

Bino twamumona aye Yesu, ye bapelwile ka kimye kacheche kukila bamalaika, kasa avwikwa na lukumo ne buneme na mambo a lufu lo amanamine, amba monka mu bupe bwa Lesa ebatompele lufu bantu bonse.