Efisesa 4:7 - KNTP

⁷ Atweba bonse pa muntu pa muntu, twapewa bupe monka mwayila kipimo kya bupetu kya Kilishitu.

Efisesa 4:7 Iomraidhean Croise

Mateo 25:15

Kabiji umo wamupeele matalenta atanu, mukwabo abiji, mukwabo umotu, monka mwayila mukonsha wabo kepo aimene kaye.

Yoano 3:34

Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne.

Loma 12:3

Mambo amiwa naambila monka mwayila bupe bonapewa ku bonse ba mwi anweba. Namba kechi mwilanguluke kukilapo pomwafwainwa kwilangulukila ne. Poso mulangulukenga byonka byafwainwa kulanguluka, monka mo emupimina Lesa pa muntu pa muntu kipimo kya lwitabilo.

2 kolinda 6:1

Kabiji byo twingila pamo ne Lesa, twimusashijila namba, kechi mutambule bupe bwa Lesa ke bwatu ne.

Efisesa 3:2

umvwe kine mwaumvwine mambo a bukalama bwa bupe bwa Lesa bonampelwe na mambo a anweba,

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

Bahebelu 2:4

Lesa naye kasa ashimuna naabo na biyukilo ne bya kukumya ne bya bulume bya misango ne misango ne kupana bya bupe bya Mupashi wa Wazhila monka mwayila kyaswa muchima wanji mwine.

1 Petelo 4:10

Monka mo mwatambwila kya bupe pa muntu pa muntu, mo monka mo mwiingijilanga anweba bene na bene, nobe bakalama bawama ba bupe bwa Lesa bwa misango ne misango.