Efisesa 4:6 - KNTP

⁶ Lesa umo Shanja bonse ye uji pa bonse, ye wingila mu bonse, ye uji mu bonse.

Efisesa 4:6 Iomraidhean Croise

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Mateo 6:9

Byonkabyo kasa mulomba byonka bino amba, “Taata wetu wa mwiulu, jizhina jenu jizhile.

Yoano 14:23

Yesu wamukumbwile amba, “Inge muntu wantemwa, ukalama byambo byami ne bataata bakamutemwa, ne atweba tukeya ko aji, ne kwikala monka mwi aye.

Yoano 17:26

Ne amiwa nebayukisha jizhina jenu, kabiji nkejiyukanyikisha namba butemwe bo mwantemwa amiwa bwikale mwi abo, ne amiwa monka mwi abo.”

Yoano 20:17

Kumvwa Yesu wamwambijile amba, “Kechi munkwate ne, mambo nkyangye kukanjila kwi Bataata. Pakuba yainga ku balongo bami, mukebabule amba, mbena kukanjila kwi bataata ne Shenu, kwi Lesa wami ne Lesa wenu.”

Loma 11:36

Mambo byonse bifuma mwi aye, kabiji byalengelwe kwi aye, ne kwikala byamwikajila aye yenka. Lukumo lwikale kwi aye myaka ne myaka! Amena.

1 Kolinda 12:6

Kabiji kuji misango yavula ya mingilo, bino ye Lesa umo yenka ye wingila byonse mu bonse.

1 Kolinda 8:6

pakuba kwi atweba kujitu Lesa umo yenka Taata, ko bifuma byonse kabiji motwaikela ne atweba, ne Nkambo umo yenka Yesu Kilishitu mo byamwekejile byonse, ne atweba mo twaikala.

2 kolinda 6:16

Kabiji nzubo yazhila ya Lesa iswang'ane byepi na bankishi? Mambo atweba twi nzubo yazhila ya Lesa mumi! Monka mwa ambijile Lesa amba, “Amiwa nkekala mwi abo, ne kwenda mwi abo. Kabiji nkekala ke Lesa wabo, ne abo nabo bakekala ke bantu bami.”

Efisesa 1:21

Kupitaila kwine kwapela bufumu bonse, ne luusa lonse, ne bulume bonse, ne bunkambo bonse, ne mazhina onse atelwa, kechi onka apa ino ntanda ne, ne apa ikeya kulutwe.

Efisesa 2:22

Mwi aye ne anweba mwashimikwa monka amba mwikale ke kya kwikalamo Lesa na Mupashi.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Efisesa 6:23

Mutende ekale na balongo betu ne butemwe ne lwitabilo pamo bifuma kwi Lesa Taata ne kwi Nkambo Yesu Kilishitu.

1 Yoano 3:24

Kabiji aye ulama mikambizho yanji ye waikala mwi aye, ne aye mwi abo. Monka muno mo twayukila amba waikala mwi atweba, na Mupashi ye etupeele.