Efisesa 4:25 - KNTP

²⁵ Onkao mambo muleke bubela, “Kasa mwiambila bya bukine anwe bene na bene” mambo atweba bene na bene twi bya mubiji umo.

Efisesa 4:25 Iomraidhean Croise

Yoano 8:44

Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

Loma 12:5

Byonkabyo ne atweba, nangwa twavula, twi mubiji umo mwi Kilishitu, ne pa muntu pa muntu, bonse twi bamo.

1 Kolinda 10:17

Bino shinkwa byo aji umotu, atweba nangwa twavula, twi mubiji umo, mambo bonse tuja ku shinkwa umo.

2 kolinda 7:14

Mambo nangwa nemutotele mu kintu nangwa kya byepi kwi aye, kechi nalengeshiwa bumvu ne. Kabiji byonse byo twimwambijile byajinga bya kine, byonkabyo ne kutota kwetu nako ko natotele kwi aye Titusa kwamwekele amba, kwa kine.

Efisesa 4:15

Pa kwamba bukine monka mu butemwe, tukomenga mwi aye mu bintu byonse, yenkaye mutwe wetu Kilishitu.

Efisesa 4:22

Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Efisesa 4:31

Bululu bonse, ne bukaji, ne kubuuka bukaji, ne kubwazanga, ne mwenga, ne lupato lonse mwibifumye mo muji.

Efisesa 5:30

mambo atweba twi bya mubiji wanji.

Kolose 3:8

Pakuba pano bitayai ne bino byonse; kubuuka bukaji ne bukaji ne nshiji ne kayebe ne mwenga mu kanwa kenu.

Kolose 3:9

Kechi mwibepele anwe bene na bene ne, byo mwavujijila bumuntu bwenu bwa kala ne byubilo byabo

1 Timoti 1:10

ne ba bulalelale, ne bekuna banabalume na banabalume bakwabo, ne babombola bantu, ne ba bubela, ne bachipa bya bubela, nangwa kintu kikwabo kyapusana na luno lufunjisho lwalumbuluka.

1 Timoti 4:2

Monka mu bukamfutumfutu bwa bantu ba bubela, baji na michima yanembwa kayukilo na kyela kyakaba na mujilo.

Titusa 1:12

Umo wa mwi abo bene, yenka ngauzhi wabo wa ambile amba, “Bena Keleta moba onse bo ba bubela, bantu babi, bankope babula kutondwa.”

Titusa 1:2

mu luketekelo lwa bumi bwa myaka, boalayile Lesa ubula kubepa, ntendekelo ya myaka kasa ikyangye kwikalako,

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Yakoba 1:21

Onkao mambo fumyai byonse byatama ne kuvula kwa nshiji. Ne kutambula na michima yanekena ao mambo abyalwamo, akonsha kupulusha myeo yenu.

1 Petelo 2:1

Byonkabyo tayai nshiji yonse, ne bujimbijimbi bonse, ne bukamfutumfutu, ne kichima, ne kwineena bibi konse.

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.