Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.
Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.
Pakuba pano atweba twakasululwa ku Muzhilo, byo twafwile ku kyokya kyo twalaminweko. Onkao mambo pano kechi tubena kwingijila mu Mizhilo ya kala yanembwa ne, kana mu bumi bupya bwa Mupashi.
Pakuba atweba bonse, bilungi kasa byavwetulwa, kasa tumona lukumo lwa Nkambo nobe mu katajilo, tubena kwalulwa mu kipasha kimo kyonka ne aye mwine, kufuma mu lukumo lumo kufika ne mu lukumo lukwabo, monka mo lufumina kwi Nkambo Mupashi wa Lesa.
Onkao mambo kechi tupungila ne. Pakuba nangwa bumuntu bwetu bwa mubiji bubena kuya na konaika, bumuntu bwetu bwa mukachi bubena kusangulwa pa juba pa juba.
Byo azhimang'enye na mubiji wanji mizhilo ya mikambizho ya mu byatongolwa amba, alengelemo mwi aye mwine aba babiji ke muntu umo mupya, aleete mutende.
Mo mo etupelejile milaye yanji ya buneme ne ikatampe iine amba, monka mu ino anweba bonse mwaluke ke ba kutambulako muchima wa bulesa, byo mwapuluka ku bubole buji pano pantanda na mambo a lwiso.