Efisesa 4:22 - KNTP

²² Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Efisesa 4:22 Iomraidhean Croise

Loma 6:6

Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne.

Loma 7:11

Mambo bundengamambo byo bwamwene mwakuubila, bwanjimbaikile na mukambizho, kabiji bwangipaile.

2 kolinda 11:3

Kabiji nachiina namba, nangwa na kya byepi, michima yenu yakabipishiwa ne kufuma kuyewa muchima umo ne wawama wata kwi Kilishitu, byonka byo amujimbaikile Evwa aye mulolo mu bujimuku bwanji.

Ngalatiya 1:13

Mambo anweba mwaumvwine musango wa bwikalo bwami bwa mu kimye kya kala bwa mu kupandawila kwa Bayudea, byo na kijishemo kwikipata kipwilo kya Lesa ne kwi kipalang'anya.

Efisesa 2:3

Motwaikajile kala ne atweba bonse, monka mu bya lwiso lwa buntunshi bwetu. Kasa tuuba bisakasaka mubiji ne muchima, kabiji mu kusemwa kwetu twajinga bafwainwa bukaji pamo ne bonse bakwetu.

Efisesa 4:17

Byonkabyo naamba kino ne kwimubuujisha mwi Nkambo, namba kechi mukyendenga monka mobendela Bangentila, mwayila milanguluko yabo yatu ne,

Efisesa 4:25

Onkao mambo muleke bubela, “Kasa mwiambila bya bukine anwe bene na bene” mambo atweba bene na bene twi bya mubiji umo.

Efisesa 4:31

Bululu bonse, ne bukaji, ne kubuuka bukaji, ne kubwazanga, ne mwenga, ne lupato lonse mwibifumye mo muji.

Kolose 2:11

Mwi aye Kilishitu momo mwaubilwa mukanda, kechi mukanda waubiwa na maboko ne, ye wa kuvujijila kwa mubiji wa buntunshi, mu mukanda wa Kilishitu.

Titusa 3:3

Mambo ne atweba kala twajinga babula maana, bamilengulwila, bajimbaikwa, kasa twanonkwa buzha ku bya lwiso ne ku bya lusangajiko bya misango ne misango, kasa twaikala mubushikwe ne mu kikonkoma. Betushikilwe kabiji twishikilwe ne atweba bene na bene.

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Bahebelu 3:13

Bino kasa mwitundaika anweba bene na bene pa juba pa juba, ponka pano pakitelwa amba, “Ja lelo” kuchiina amba, nangwa umo wa mwi anweba bakamukosesha muchima ku bujimbijimbi bwa bundengamambo.

Yakoba 1:21

Onkao mambo fumyai byonse byatama ne kuvula kwa nshiji. Ne kutambula na michima yanekena ao mambo abyalwamo, akonsha kupulusha myeo yenu.

Yakoba 1:26

Umvwe muntu wilanguluka amba ye mwina Lesa, ne kulama lujimi wanji ne, bino ujimbaika muchima wanji mwine, ao muntu bwina Lesa bwanji bwatu.

1 Petelo 1:18

Byo mwayuka amba, mwakuujilwe ku bwikalo bwenu buncha bo mwatambwile ku bashakulu benu, kechi na bintu bibola pamo nobe siliva ne ngolode ne,

1 Petelo 4:3

Bimye byo mwapaine kala na kuuba byo batemwa Bangentila byapwa, byo mwalondelenga bya bunya, ne bya lwiso, ne bya kutomatoma binyu, ne bya kusangalala kubi, ne bya kupendwapendwa, ne byabipisha bya kupopwela bankishi.

2 Petelo 2:13

kasa bamona bibi, yo mfweto ya bibi byabo abo amba, kwilemena mute kyo kitutokela ku muchima. Abyo, byo biko ne bulema byo belemena mu bijiilo byabo bya butemwe byo baja ne anweba.

2 Petelo 2:7

Kabiji wamupokolwele Lota waoloka, byo aubishe bulanda na mambo a bwikalo bwa bunya bwa babi.