Efisesa 4:2 - KNTP

² Na kwipelula konse ne bukimote, ne na kukooka muchima, kasa mwitekenya anweba bene na bene mu butemwe.

Efisesa 4:2 Iomraidhean Croise

Mateo 11:29

Tambulai kikonkoji kyami ne kufunda kwi amiwa; mambo amiwa ne kimote ne wakooka muchima, ne anweba mukamona kukokoloka kwa michima yenu.

Mako 9:19

Kabiji Yesu wibakumbwile amba, “Anweba kisemi kyabula lwitabilo! Bimye binga byo nkekala? Bimye binga byo nkemutekela muchima? Muleetai kwi amiwa.”

Byubilo 20:19

kasa na mwingijila Nkambo na muchima wipelula, ne na mipolo, ne na bya kungeseka byamfikijile na mambelamina a Bayudea.

Loma 15:1

Kabiji atweba bakosa twafwainwa kwitwika kunekena kwa babula kukosa, kechi kwitokeshatu pa muchima atweba bene ne.

1 Kolinda 13:7

Butemwe busenda byonse kasa bwazhindama, kabiji bwitaba byonse, buketekela byonse, kabiji butekanya mu byonse.

Ngalatiya 6:2

Isendelaingako bisendwa anweba bene na bene, byonkabyo mukafikizha muzhilo wa Kilishitu.

Efisesa 1:4

Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Kolose 1:11

Bemukoseshe na bulume bonse monka mwayila ngovu ya lukumo lwanji. Ne na butekanye bonse, ne kukooka muchima ne lusekelo pamo.

1 Timoti 6:11

Pakuba obewa, muntu wa Lesa, unyemeko ku byo bino bintu. Sakisha bololoke, ne munema wa kunemeka Lesa, ne lwitabilo, ne butemwe, ne butekanye, ne bukimote.

2 Timoti 2:25

mu bukimote kasa ebolola aba bamulengulula, amba apo kampe Lesa ukebapa lulapilo luleeta maana a kuyukisha bya bukine.

Yakoba 1:21

Onkao mambo fumyai byonse byatama ne kuvula kwa nshiji. Ne kutambula na michima yanekena ao mambo abyalwamo, akonsha kupulusha myeo yenu.

1 Petelo 3:15

Bino zhijikai Kilishitu mu michima yenu bu Nkambo. Moba onse ikajilai jimo na mwa kwibakumbwila bonse bemwipuzha mambo a luketekelo lomuji naalo,

1 Petelo 3:8

Pano kyapelako: anweba bonse ikalai bamuchima umo, ba lusa, batemwang'ana byo muji balongo na balongo, ba michima yanekena, ne kwipelula.