Efisesa 4:19 - KNTP

¹⁹ Abo, byo babula bumvu, bepana mu kulondalonda bya bunya, mu kwingila bubipisho bonse na lwiso.

Efisesa 4:19 Iomraidhean Croise

Mako 7:22

ne bya lunkumbwa, ne bubipisho, ne bujimbijimbi, ne bya bunya, ne kichima, ne bubela, ne bwitote, ne ku kosama.

Efisesa 4:17

Byonkabyo naamba kino ne kwimubuujisha mwi Nkambo, namba kechi mukyendenga monka mobendela Bangentila, mwayila milanguluko yabo yatu ne,

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

1 Timoti 4:2

Monka mu bukamfutumfutu bwa bantu ba bubela, baji na michima yanembwa kayukilo na kyela kyakaba na mujilo.

1 Petelo 4:3

Bimye byo mwapaine kala na kuuba byo batemwa Bangentila byapwa, byo mwalondelenga bya bunya, ne bya lwiso, ne bya kutomatoma binyu, ne bya kusangalala kubi, ne bya kupendwapendwa, ne byabipisha bya kupopwela bankishi.

2 Petelo 2:22

Mambo kibamwekela monka mwayila akya kishimpi kya kine amba, “Kabwa wabwela ku malashila anji mwine” ne “nkumba waowele, wabwela mukwitaka mu mateshi”.

Yuda 1:11

Lesa ukebonauna kine! Mambo benda mu jishinda ja kwa Kaina, na mambo akutemwa mfweto baya mungi byonka byaubile Balamu. Basatuka byonka byasatukile Kola, Lesa ukebonauna byonka byo a onawine Kola.

Lumwekesho 18:3

Mambo mikoka yonse ya bantu yatoma binyu bya lusako lwa bulalelale bwanji. Ne bamfumu ba pano pantanda baubile nanji bulalelale, ne basulu ba pano pantanda mo bamwenejile bunonshi monka mu lunkumbwa lwanji lukatampe.”