Efisesa 4:18 - KNTP

¹⁸ mambo maana abo a aluka ke a mfishi, kabiji bebabanya ku bumi bwa Lesa na bulubi bo baji naabo na mambo a kukosa kwa michima yabo.

Efisesa 4:18 Iomraidhean Croise

Mateo 13:15

Ke pakuba michima ya bano bantu yaluwankana, ne matwi abo ashinka, ne meso abo beazhinzhibika. Kuchiina amba, bakamwesha na meso abo, ne kumvwa bakomvwa na matwi abo, ne kukwatakanya baka kwatakanya mu michima yabo, ne kwaluluka, ne amiwa na kebabuka.”

Mako 3:5

Kepo aye wibatajile na bukaji, kasa afichishiwa ku muchima na mambo a kukosa kwa michima yabo, wamwambijile muntu amba, “Tanyika kuboko kobe.” Ponkapo wikutanyikile, ne kuboko kwanji kwabwelele ke kutuntulu.

Yoano 12:40

“Aye wibapofwile meso abo, ne kukosesha michima yabo. Kuchiina amba bakeya kumona na meso abo, ne kumvwisha na michima yabo, ne kwalulukila kwi amiwa, ne amiwa na keya kwibabuka.”

Byubilo 17:30

Kabiji aya myaka bantu ya bulubi, Lesa wiileka, pakuba pano ubena kukambizha bantu bonse konse amba balapile ne kufuma ku mashinda abo atama.

Byubilo 3:17

“Byonkabyo anweba bakwetu nayuka namba, mwikyubile na bakulumpe benu pamo na mambo a kubula kuyuka.

Loma 1:28

Kabiji byonka byo bakaine kwikala na maana a kuyuka Lesa, Lesa naye wibapaine ku muchima wa bubi, bobenga byo babula kufwainwa kuuba.

Loma 11:25

Anweba bakwetu, kechi nasaka namba mulube kino kyafyamika ne, kuchiina amba mwaketota mu maana enu anweba bene. Namba kukosa kwa michima ya bena Isalela bamo kwibaponena, poso kuvula kwa Bangentila kukafike.

Loma 11:7

Pano nanchi kiji byepi? Akya kyo bakebelenga bena Isalela kechi bekimwene ne. Pakuba basalululwa bo bekimwene. Bino bakwabo bakoseshiwe michima.

Loma 2:19

ne obewa wiitabizha amba, ne ntangi wa bampofu, ne kyeya kya baji mu mfishi,

1 Kolinda 1:21

Mambo monka mwayila maana anji aye Lesa kechi kyakonshekele amba, ba pano pantanda ba muyuke Lesa mu kujimuka kwabo abo bene ne. Bino kyamuwamijile Lesa kwi bapulusha baitabila na bumbulwa maana bo tusapwila.

1 Kolinda 2:8

Ao maana, kafwako nangwa umo ndamakyalo wa pano pantanda wiayukile ne, mambo umvwe beayukile, inge kechi bamupopele pa musalabu Nkambo wa lukumo ne.

2 kolinda 3:14

Bino michima yabo yakoseshiwe, mambo kufika ne ku juba ja lelo, pa kutanga lulayang'ano lwakala yonkaya mbuutwa ikiji ponka, mambo aya mbutwa ivwetulwapotu mwi Kilishitu.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Ngalatiya 4:8

Byonkabyo mu kyokya kimye kyo mwabujile kuyuka Lesa, mwajinga mu buzha bwa babula ba lesa bakine.

Efisesa 2:1

Anweba mwajinga bafu na mambo a mizhilulwila yenu ne mambo enu.

Efisesa 2:12

Kabiji mu kyokya kimye mwabujile Kilishitu, mwajinga bangi mu kikota kya bena Isalela, mwajinga benyi ku malayang'ano a milaye, kechi mwajinga na luketekelo nangwa pacheche ne, kabiji mwabujilwe Lesa pano pantanda.

Kolose 1:21

Ne anweba, kala mwajingatu bangi kabiji mwajinga balwanyi mu michima yenu ne mu mingilo yenu yabiipa.

Tesalonika 4:5

kechi mu kusakasaka kwa lwiso ne kwa lunkumbwa pamo na Bangentila babula kuyuka Lesa ne.

Bahebelu 5:2

Wakonsha kwibatekenya bulongo aba babula kuyuka ne baya mungi, mambo ne aye mwine kunekena ko kwanji.

Bahebelu 9:7

pakuba mu wa bubiji kanatu ng'anga mukatampe bunke bwanji ye watwelangamo jimotu pa mwaka pa mwaka. Nakyo kechi kwakubula mashi ne, o alambwile pa mambo anji aye mwine, ne pa mambo a bubi bwa bantu bwa kubula kuyuka.

Yakoba 4:4

Anweba bankende! Kechi mwayuka amba bulunda na bya pano pantanda bo bulwanyi ne Lesa nenyi? Byonkabyo awa usaka kwikala ke mulunda na bya pano pantanda wialula mwine ke mulwanyi ne Lesa.

1 Petelo 1:14

Byo muji baana ba lukookelo kechi mwipashang'anyenga na mwayila bya lwiso lwenu lwakala, lwa mu myaka yo mwabujile kuyuka ne.

1 Yoano 2:11

Bino awa washikwa mulongo wanji uji mu mfishi ne kwenda mu mfishi, kabiji kechi wayuka ko abena kuya ne, mambo mfishi ya mupofula meso anji.