Efisesa 4:17 - KNTP

¹⁷ Byonkabyo naamba kino ne kwimubuujisha mwi Nkambo, namba kechi mukyendenga monka mobendela Bangentila, mwayila milanguluko yabo yatu ne,

Efisesa 4:17 Iomraidhean Croise

Luka 16:28

mambo nji na balongo bami batanu. Namba ake bajimune, kuchiina amba ne abo bakeya muno mu lumanamo.’

Byubilo 14:15

“Anweba bakwetu, mambo ka o mubila bino bintu? Ne atweba twi bantutu pamo ne anweba, twimuletela Mambo Awama, muvundamine ku bino bincha, mwalulukile kwi Lesa mumi, walengele jiulu ne ntanda, ne kalunga ka mema, ne byonsetu bijimo.

Byubilo 18:5

Kabiji byo baishile ba Silasa ne Timoti, kufuma ku Makedonya, Paulo wapaine kimye kyanji kyonse na kusapwila, kasa ebabujisha Bayudea amba Yesu ye Kilishitu.

Byubilo 2:40

Ne na byambo bikwabo byavula aye wibabujishenga ne kwibambila amba, “Ipulushai ku kyo kino kisemi kyaluwankana!”

Byubilo 20:21

Kasa nebabujisha Bayudea ne Bagiliki, lulapilo lwa kwalulukila kwi Lesa, ne lwitabilo lwa kumwitabila Nkambo yetu Yesu Kilishitu,

Loma 1:21

Mambo pa kumuyuka Lesa, kechi bamutumbijikile bu Lesa ne, nangwa kupika sante ne; kabiji ba alukile ke batu mu milanguluko yabo, ne michima yabo yabula maana yafichile.

1 Kolinda 1:12

Ng'ambe namba, anweba pa muntu pa muntu, mu beena kwamba amba, “Amiwa ne wa kwa Paulo” mukwabo naye amba, “Amiwa ne wa kwa Apolosa” nangwa amba, “Amiwa ne wa kwa Kefasa” ne mukwabo amba, “Amiwa ne wa kwa Kilishitu”.

1 Kolinda 15:50

Pano nemwambila anweba bakwetu namba, mibiji ya nyama ne mashi kechi yakonsha kuswana bufumu bwa Lesa ne, kabiji kubola kechi kwakonsha kuswana kubula kubola ne.

2 kolinda 9:6

Pakuba naamba kino namba, awa ukusa nkunwa icheche, ukanowa kajo kacheche; kabiji aye ukusa nkunwa yavula ukanowa kajo kavula.

Ngalatiya 3:17

Pano kyo naamba ke kino, alwa lulayang'ano lo baikajikile kala kwi Lesa, mizhilo yaishile panyuma pakupita myaka bitota bina ne myaka makumi asatu, kechi yakonsha kulengulula mulaye amba ekale ke waatu ne.

Ngalatiya 5:3

Kine ne mujimuna ne jikwabo anweba mubena kutambula mukanda, namba mwafwainwatu kulama mizhilo yonse.

Efisesa 1:22

Kabiji wibikookesha bintu byonse munshi ya maulu anji, ne kumupana aye amba ekale mutwe wa byonse ku kipwilo.

Efisesa 4:22

Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Kolose 2:18

Kechi muleke muntu emulengeshe kubulwa mpasela ne, na mambo a kwipelula kwanji ne kupopwela bamalaika. Kasa akoselapotu pa bimwesho byo amwene, ne kwilundumika na muchima wanji wa buntunshi

Kolose 2:4

Nemwambila kino mambo a kuuba amba, kafwako nangwa umo emujimbaike na byambo bya mulambisha ne.

Tesalonika 4:6

Kabiji kechi pekale muntu nangwa umo, azhilulule muzhilo ne kumuba bibi mulongo wanji mu ano mambo ne. Mambo aye Nkambo ye ushinkanya mu bino bintu byonse, byonka byo twimujimwine ne kwimubujisha.

1 Timoti 5:21

Na kukambizha obewa ku meso a Lesa, ne a Kilishitu Yesu, ne a bamalaika basalululwa, namba ulame bino bintu kwa kubula kuchibila jimo mambo mu muchima, ne kuuba kintu nangwa kimo kya kutala ku kilungi kya muntu ne.

1 Timoti 6:13

Na kukambizha ku meso a Lesa, yenka upana bumi ku bintu byonse, ne ku meso a Kilishitu Yesu, yenka washimwine kwisolola kwawama ku meso a Pontiusa Pilato,

2 Timoti 4:1

Na kukambizha ku meso a Lesa, ne ku meso a Kilishitu Yesu, ye ukebachibila mambo bomi ne bafu, ne na mambo a kwiya kwanji, ne na mambo a bufumu bwanji,

1 Petelo 1:18

Byo mwayuka amba, mwakuujilwe ku bwikalo bwenu buncha bo mwatambwile ku bashakulu benu, kechi na bintu bibola pamo nobe siliva ne ngolode ne,

2 Petelo 2:18

Mambo, bamba byambo bikatampe byatu, bya kwitota, bebongola bantu babena kupuluka kuboba baji mu bwikalo bwa bulubi.