Efisesa 4:16 - KNTP

¹⁶ Mwi aye mubiji yense, wanungankana pamo ne kusambakana ke umo konka ku abya bipaana manungi onse. Pa kwingila bulongo byonse pa kintu pa kintu, mubiji wikomesha mwine monka mu butemwe.

Efisesa 4:16 Iomraidhean Croise

Yoano 15:5

Amiwa ne mung'anzang'anza, anweba mwi misampi. Awa waikala mwi amiwa, ne amiwa mwi aye, ye upanga byavula, mambo kwakubula amiwa kechi mwakonsha kuuba kintu ne.

Loma 12:4

Mambo byonka byo tuji na bya mubiji byavula mu mubiji umo, ne byonse kechi biji na mwingilo umotu ne.

1 Kolinda 10:17

Bino shinkwa byo aji umotu, atweba nangwa twavula, twi mubiji umo, mambo bonse tuja ku shinkwa umo.

1 Kolinda 13:13

Pakuba bino bisatu, lwitabilo ne luketekelo ne butemwe, byaikajikwa, kabiji kikatampe kya mu bino bisatu, bo butemwe.

1 Kolinda 8:1

Mwayila kajo ko batapisha ku bankishi. Twayuka namba atweba bonse tuji na maana, bino maana alengela kwilundumika, pakuba butemwe bukomesha bantu.

Ngalatiya 5:22

Pakuba bipangwa bya Mupashi bo butemwe ne lusekelo ne mutende ne kukooka muchima ne lusa ne buwame ne bukishinka,

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

Efisesa 1:4

Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Efisesa 3:7

O napelwe amba, ngikale wa kwiengijila, monka mwayila akya kyo a panatu Lesa mu bupe bwanji, kyo ampele amiwa monka mwayila kwingila kwa bulume bwanji.

Efisesa 4:12

Na mambo a kwibanengezha bazhijikwa amba bekale ba kwingila mwingilo, wa kukomesha mubiji wa Kilishitu.

Efisesa 4:15

Pa kwamba bukine monka mu butemwe, tukomenga mwi aye mu bintu byonse, yenkaye mutwe wetu Kilishitu.

Filipai 1:9

Kabiji ndomba ne kino namba butemwe bwenu buyenga na kukomenako, pamo ne maana a kwibiyukisha bintu byonse,

Kolose 2:19

ne kukakachila ku mwine Kilishitu ne, mwi aye Kilishitu, moayila na kukoma mubiji yense na bukomo bufuma kwi Lesa, kasa bamukosesha ne kumunungakanya na manungi ne mishipe yonse.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

Tesalonika 1:3

Kasa twimuvuluka ne kuvulama ne, konka ku meso a Lesa Taata wetu, mambo a mwingilo wenu wakosa wa butemwe ne butekanye bwenu bwa luketekelo lwa mwi Nkambo yetu Yesu Kilishitu.

Tesalonika 2:13

Kabiji na mambo a ano mambo o nsanchila kwi Lesa kwakubula kuzhikilwa. Mambo byo mwatambwile kwi amiwa mambo a Lesa, kechi mwiatambwile nobe mambo a bantu ne, poso byonka byo aji kine mambo a Lesa. Kabiji oengila mwi anweba baitabila.

Tesalonika 3:12

Kabiji Nkambo ebuvuzhe butemwe bwenu buvujishe, bwa kwitemwa anweba bene na bene, ne bwa kutemwa bantu bonse, monka mo twimutemenwa atweba.

2 Tesalonika 1:3

Anweba bakwetu, atweba twafwainwatu kusanta kwi Lesa moba onse na mambo a anweba. Mambo kyo kituwamina kuuba, mambo lwitabilo lwenu lubena kukoma bingi, kabiji ne butemwe bwenu bo mwitemwa anweba bene na bene nabo bubena kuvula.

1 Timoti 1:5

Uno mukambizho wayila mu butemwe bufuma mu muchima watoka, ne mu muchima ubula kwizhachisha, ne mu lwitabilo lwabula bujimbijimbi.

1 Petelo 1:22

Byo mwatokesha michima yenu na kukookela bya bukine ne kumwenamo butemwe bwa kine bwa kutemwa balongo, kasa mwitemwa anweba bene na bene na muchima watoka too.

1 Yoano 4:16

Kabiji atweba twayuka ne kwitaba butemwe bo etutemwa Lesa. Lesa ye butemwe, ne aye waikala mu butemwe ye waikala mwi Lesa, ne Lesa waikala mwi aye.