Efisesa 4:15 - KNTP

¹⁵ Pa kwamba bukine monka mu butemwe, tukomenga mwi aye mu bintu byonse, yenkaye mutwe wetu Kilishitu.

Efisesa 4:15 Iomraidhean Croise

Yoano 1:47

Aye Yesu wamumwene Natanela kasa eya ko aji, wamwambijile amba, “Talai, mwina Isalela wa kine wabula bujimuku.”

Loma 12:9

Butemwe bwikale bwa kubula bujimbijimbi. Shikwai byatama, kakachilai kyawama.

1 Kolinda 11:3

Bino nasaka namba muyuke amba, Kilishitu ye mutwe wa banabalume bonse, kabiji mwanamulume ye mutwe wa mukazhanji, ne Lesa ye mutwe wa Kilishitu.

2 kolinda 4:2

Kabiji twakana bintu byafyamika bya bumvu, kechi twenda mu bujimuku ne, nangwa kukwata mambo a Lesa na bujimbijimbi ne. Kabiji pa kusolola bya bukine patoka, twilumbulula ku michima ya bantu bonse ku meso a Lesa.

2 kolinda 8:8

Kechi naamba na kwimukambizha ne, poso na mambo a kwibweseka bukine bwa butemwe bwenu na mukoyo wa bakwenu.

Efisesa 1:22

Kabiji wibikookesha bintu byonse munshi ya maulu anji, ne kumupana aye amba ekale mutwe wa byonse ku kipwilo.

Efisesa 1:4

Monka mo etusalulwijile mwi aye pano pantanda kasa pakyangye kulengwa, amba twikale bazhila, babula bulema ku meso anji, mu butemwe bwanji.

Efisesa 2:21

Monka mwi aye mo mwanungankena kishimikwa kyonse, kasa kikoma ke nzubo yazhila ya Lesa mwi Nkambo.

Efisesa 4:25

Onkao mambo muleke bubela, “Kasa mwiambila bya bukine anwe bene na bene” mambo atweba bene na bene twi bya mubiji umo.

Efisesa 5:23

Mambo mulume ye mutwe wa mukazhanji, byonka biji Kilishitu ye mutwe wa kipwilo, ye mwine upulusha kipwilo, ye mubiji wanji.

1 Petelo 1:22

Byo mwatokesha michima yenu na kukookela bya bukine ne kumwenamo butemwe bwa kine bwa kutemwa balongo, kasa mwitemwa anweba bene na bene na muchima watoka too.

1 Petelo 2:2

Mwikale nobe twana twalukeke, musake mukaka wa mupashi wawama, emukomeshe mufike ne ku lupulukilo.

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.

1 Yoano 3:18

Anweba twana, kechi tutemwetu na byambo byonka ne, nangwa na lujimi yenka ine, kana mu byubilo ne mu bukine.