Efisesa 4:14 - KNTP

¹⁴ Amba kechi tukikale banyike ne, kasa tukumpaulwa ne kulelaulwa na luvula lonse lwa mafunjisho a bantu mu bujimuku bubi, bo bebajimukila bantu mu kwibatwala mungi.

Efisesa 4:14 Iomraidhean Croise

Mateo 11:7

Bano byo bafumineko, Yesu watatwile kwiambila mabumba na mambo a Yoano amba, “Nanchi mwayile mungye na kumona ka? Jitete jo babena kusunkenya kulubesha nyi?

Mateo 24:11

Kabiji bangauzhi ba bubela bavula bakeya, ne kwibatwala mungi bavula,

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Byubilo 23:21

Mwane kechi mwibetabe ne mambo bamubelamina bantu bakila makumi ana, bonka bekasa pamo ne kuchipa amba kechi baje nangwa kutoma ne, poso bamwipaye. Ne pano babena kutengelatu jiwi kufuma kwi anweba.”

1 Kolinda 12:2

Anweba mwayuka amba, byo mwajinga Bangentila, mwatwajilwe mungi mu kupopwela bankishi babula kwamba.

1 Kolinda 14:20

Anweba bakwetu, kechi mwikale banyike mu maana ne, pakuba mu bubi mwikale balukeke, bino mwikale bakoma mu maana.

1 Kolinda 3:19

Mambo maana a pano pantanda, kwi aye Lesa kechi o maana ne. Mambo kyanembwa amba, “Aye ukwata bamaana mu kujimuka kwabo.”

2 kolinda 2:17

Mambo atweba kechi tuji pamo na bamo bavula basulwisha mambo a Lesa amba bamwenemo ne, pakuba atweba twambila mwi Kilishitu konka ku meso a Lesa byambo bibafwainwa bakishinka ne baatumwa kwi Lesa.

2 kolinda 4:2

Kabiji twakana bintu byafyamika bya bumvu, kechi twenda mu bujimuku ne, nangwa kukwata mambo a Lesa na bujimbijimbi ne. Kabiji pa kusolola bya bukine patoka, twilumbulula ku michima ya bantu bonse ku meso a Lesa.

Ngalatiya 3:1

Anweba bena Ngalatiya ba bilubi, ng'anyi wimulowele anweba bo bamwesheshe Yesu Kilishitu ku meso enu patoka kasa apopwa pa musalabu?

Efisesa 6:11

Vwalai byonse bya nkondo bya Lesa, namba mukonshe kwimana kasa mwakosa ku bya bujimuku bya Diabola.

1 Timoti 3:6

Kechi waitabila katataka ne, kuchiina amba wakelundumika ne kuponena mu luzhachisho lumo na Diabola.

2 Timoti 1:15

Obewa wayuka amba, bonse baji mu Asha bamvundamina kala, mwi abo muji ba Figelusa ne Helemojene.

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

2 Timoti 4:3

Mambo kimye kikeya kyo bakabula kuswa mafunjisho alumbuluka, bino byo baji na matwi ababana, bakavuzha bafunjishi babo abo bene monka mwayila bya kusakasaka byabo.

Bahebelu 13:9

Kechi mutwalwe mungi ku mafunjisho a misango ne misango ne. Mambo kyo kintu kyawama amba muchima bamukoseshe na bupe, kechi na bya kuja ne; mambo abo bateele michima monka kechi bamwenejilemo kintu ne.

Yakoba 1:6

Bino epuzhe na lwitabilo, ne kuzhinauka nangwa pachechetu ne. Mambo awa uzhinauka wapashang'ana pamo nobe jinyaki ja pa kalunga jo batwala ku luvula ne kwijitayaika.

Yakoba 3:4

Talai pamo ne maato akatampe nao beendesha na luvula mukatampe, bino bealulula na kakyalululo kacheche, monka mo asakila mwine walulula bwato.

2 Petelo 2:18

Mambo, bamba byambo bikatampe byatu, bya kwitota, bebongola bantu babena kupuluka kuboba baji mu bwikalo bwa bulubi.

1 Yoano 2:19

Bafumine mwi atweba, bino kechi bajinga ba mwi atweba ne; mambo inge bajinga ba mwi atweba, bafwainwe kutwajijila ne atweba. Bino bafumine mwi atweba mu kwi bamwesha amba kechi bonse bo ba mwetu ne.

1 Yoano 2:26

Bino bintu ne munembela anweba na mambo aboba babena kweseka kwi mujimbaika.

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.

Yuda 1:12

Bano bantu yo mikunko yafyamika mu bijiilo byenu bya butemwe byo baja nenu, bo basaka kwijiisha bene kwakubula bumvu, o makumbi abula mema, atwalwa na mwela, byo bichi bya kisalo byabula bipangwa, byaumishatu, byazhujika ne mizhazhi.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.