Efisesa 4:13 - KNTP

¹³ Poso bonse byo tukalumbuluka mu bu umo bwa mu lwitabilo ne mu maana a kumuyukisha Mwana Lesa, ke bantu bakoma, bafika ku kipimo kya kimino kya kufikila kwa Kilishitu.

Efisesa 4:13 Iomraidhean Croise

Mateo 11:27

“Bataata bampele amiwa bintu byonse. Kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Yoano 16:3

Ne bino bintu bakebyuba, mambo kechi bebayuka bataata nangwa amiwa ne.

Yoano 17:21

Namba bonse bekale ke umo. Taata! Byo muji mwi amiwa ne amiwa mwi anweba, byonkabyo ne abo nabo bekale mwi atweba, namba ba pano pantanda betabile amba, anweba yenu mwantumine.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 6:69

Kabiji atweba twaitabila ne kuyuka namba, anweba mwi Wazhila wa kwa Lesa.”

Byubilo 4:32

Ne jibumba ja baitabila bajingatu na milanguluko imo ne na muchima umo. Kafwako nangwatu umo watelele kintu kya mu bunonshi bwanji amba kyami amiwa mwine ne, kabiji byonse byo bajinga naabyo byajinga bya bonse.

1 Kolinda 1:10

Pano ne musashijila anweba bakwetu, monka mu jizhina ja Nkambo yetu Yesu Kilishitu, namba mwikale ba kuyila mumo, kechi mwikale lwabano mwi anweba ne. Poso mulamankane pamo na muchima umo ne milanguluko imo.

1 Kolinda 14:20

Anweba bakwetu, kechi mwikale banyike mu maana ne, pakuba mu bubi mwikale balukeke, bino mwikale bakoma mu maana.

1 Kolinda 2:6

Nangwa byonkabyo twamba bya maana mukachi ka bantu bakoma. Byonkabyo kechi maana a ba pano pantanda ne, nangwa a ba luusa lwa pano pantanda babenakuya na kuzhimang'ana ne.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Ngalatiya 4:19

Kine anweba twana twami tonaumvwina bisanso jibiji poso Kilishitu amwekeshetu bulongo mwi anweba.

Efisesa 1:17

namba Lesa wa Nkambo yetu Yesu Kilishitu, Shanja lukumo, emupe Mupashi wa maana ne wa lumwekesho lwa kumuyukisha aye mwine.

Efisesa 1:23

Ne kipwilo ye mubiji wa Kilishitu, ye kukumbana kwanji, aye wa kumbana byonse, monse monse.

Efisesa 2:15

Byo azhimang'enye na mubiji wanji mizhilo ya mikambizho ya mu byatongolwa amba, alengelemo mwi aye mwine aba babiji ke muntu umo mupya, aleete mutende.

Efisesa 4:12

Na mambo a kwibanengezha bazhijikwa amba bekale ba kwingila mwingilo, wa kukomesha mubiji wa Kilishitu.

Efisesa 4:3

Ne kuteshako muchima kulama bu muchima umo wa Mupashi mu lufungwa wa mutende.

Efisesa 4:5

Nkambo umo ne lwitabilo lumo ne lubatizhilo lumo.

Filipai 3:10

Namba namuyuke kabiji ngyuke ne bulume bwa lusanguko lwanji, ne lumvwang'ano lwa mu bya kumanama kwanji, namba ngikale na lufu lwapashang'ana na lufu lwanji,

Filipai 3:8

Kine, ne bimona byonse ke byatu na mambo a kuwama kwa muneema wa kumuyuka Kilishitu Yesu Nkambo yami. Na mambo a aye naswa kuleka ne kutaya byonse ne kwibimona nobe binchatu, namba mmwenemo Kilishitu

Kolose 1:28

Byonkabyo tusapwila mambo a Kilishitu, kasa tufunda bantu bonse mu maana onse. Namba tufikizhe bantu bonse kasa balumbuluka mwi Kilishitu.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

Bahebelu 5:14

Bino kajo kakosa koka bakoma, bo baji na maana alumbuluka a kupima ne kuyuka byawama ne byatama mambo akupijilwa nabyo.

2 Petelo 1:4

Mo mo etupelejile milaye yanji ya buneme ne ikatampe iine amba, monka mu ino anweba bonse mwaluke ke ba kutambulako muchima wa bulesa, byo mwapuluka ku bubole buji pano pantanda na mambo a lwiso.

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.