Efisesa 4:12 - KNTP

¹² Na mambo a kwibanengezha bazhijikwa amba bekale ba kwingila mwingilo, wa kukomesha mubiji wa Kilishitu.

Efisesa 4:12 Iomraidhean Croise

Luka 22:32

Bino amiwa nakulombelela obewa namba, lwitabilo lobe kechi lupwe ne. Ne obewa, pa kwaluluka jibiji, ukoseshe bakwenu.”

Byubilo 1:17

Mambo wabajilwe pamo ne atweba, kabiji watambwile mwingilo wanji wa mu ino mingilo.”

Byubilo 1:25

wa kupingakena mu uno mwingilo, ne mu butumwa, moafumine Yudasa, ne kuya kwa mufwainwa mwine.”

Byubilo 11:23

Aye pakufikako ne kumona bupe bwa Lesa, wasekejile kabiji wibatundaikile bonse amba, balamachile kwi Nkambo na michima yabo yonse.

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Byubilo 9:31

Kabiji byonkabyo kipwilo kya monse mu Yudea ne mu Ngalilea ne mu Samaliya kyamwene mutende, ne kukoma kyakomene, ne kwenda na kwakamwa Nkambo, ne mu bukwasho bwa Mupashi Wazhila, kasa kiya na kubaya.

Loma 12:5

Byonkabyo ne atweba, nangwa twavula, twi mubiji umo mwi Kilishitu, ne pa muntu pa muntu, bonse twi bamo.

Loma 12:7

nangwa mwingilo wa bukwasho, tuteshe muchima monka mu mwingilo wetu; aye ufunjisha naye ateshe muchima monka mu kufunjisha kwanji;

Loma 14:19

Byonkabyo pano tulonde abya bintu bileta mutende ne bya kwikosesha atweba bene na bene.

Loma 15:14

Anweba bakwetu, ne amiwa mwine muchina wami wimuketekela bulongo namba, ne anweba bene mwayula byawama, mwayuzhiwa na maana onse, ne kuyuka mwayuka kwifunda anweba bene na bene.

Loma 15:2

Kana atweba bonse pa muntu pa muntu tutokeshe mukwetu pa muchina ne kumubila byawama bya kumukomesha.

Loma 15:29

Kabiji nayuka namba byo nkemwendela kwenu, nkeya kasa nayula na mapesho a Kilishitu.

1 Kolinda 12:27

Anweba mwi bya mubiji wa Kilishitu, ne bonse pa muntu pa muntu mwi bya mubiji wanji.

1 Kolinda 12:7

Muntu yense wapewa kya bupe kya Mupashi na mambo a kwibashukisha bantu bonse.

1 Kolinda 14:12

Ne anweba, byo musakisha kwikala na bya bupe bya bumupashi, nanchi sakishai byakonsha kukwasha kukomesha kipwilo.

1 Kolinda 14:14

Mambo umvwe nalomba mu lujimi ungi, mupashi wami ulomba bino maana ami kechi amwenamo kintu ne.

1 Kolinda 14:26

Balongo bami, nanchi tusa kwamba amba ka? Byo mupwila pamo, umo uji na lwimbo, mukwabo uji na lufunjisho, ne mukwabo uji na lumwekesho, mukwabo naye wamba mu njimi, kabiji mukwabo uji na kya kulumbulula byambo. Byonse byubiwe mu kwikomesha.

2 kolinda 12:19

Apo anweba kampe mubena kulanguluka amba, tubena kwamba bya kwiwamisha atweba bene kwi anweba ne mu kino kimye? Kabiji ko ku meso a Lesa ko twambila mwi Kilishitu. Pakuba anweba batemwe, bintu byonse byo bya kwimukomesha.

2 kolinda 13:11

Kyapelaako, anweba bakwetu, sekelai mulumbuluke; kasa mukosesha michima yenu, mwikale na muchima umo, ikalai mu mutende. Kabiji aye Lesa wa butemwe ne wa mutende ukekala neenu.

2 kolinda 13:9

Atweba tusekela byo tuji banekena ne anweba byo muji bakosa. Kabiji twalomba ne kino nakyo namba, mulumbulukishe.

2 kolinda 3:8

nanchi awa mwingilo wa na Mupashi akabulwe byepi kuuba lukumo lwakila?

2 kolinda 4:1

Onkao mambo byo tuji na ye uno mwingilo, monka mo twaubijilwe lusa, kechi tupungila ne.

2 kolinda 5:18

Kabiji bino byonse bifuma kwi Lesa, ye witupwainye ne aye mwine mwi Kilishitu, kabiji witupele mwingilo wa lupwaino.

2 kolinda 6:3

Kechi tubika bya kwituntulako bantu nangwa kimo ne, kuchiina amba mwingilo wetu wakanenwa bibi.

2 kolinda 7:1

Onkao mambo anweba batemwe, byo tuji na ino milaye, twitokeshe atweba bene ku bubipisho bonse bwa mubiji ne bwa mupashi, kasa tulumbulula buzhile bwetu na moyo wa kwakamwa Lesa.

Efisesa 1:23

Ne kipwilo ye mubiji wa Kilishitu, ye kukumbana kwanji, aye wa kumbana byonse, monse monse.

Efisesa 4:16

Mwi aye mubiji yense, wanungankana pamo ne kusambakana ke umo konka ku abya bipaana manungi onse. Pa kwingila bulongo byonse pa kintu pa kintu, mubiji wikomesha mwine monka mu butemwe.

Efisesa 4:29

Kechi muleke byambo byatama bifume mu kanwa kenu nangwa kimo ne, kana byonka byawama bibakomesha bantu, bibafwainwa mu kyonkakyo kimye, amba bibaleetele bibusa abo bebyumvwa.

Efisesa 4:4

Kuji mubiji umo ne Mupashi umo, byonka byo mwaichilwe mu luketekelo lumo lwa lwito lwenu.

Kolose 1:24

Pano nasekela mu bya kumanama byami na mambo a anweba, kabiji mbena kuyuzha kwashajile ku bya kumanama bya Kilishitu mu mubiji wami na mambo a mubiji wanji, kyo kipwilo.

Kolose 1:28

Byonkabyo tusapwila mambo a Kilishitu, kasa tufunda bantu bonse mu maana onse. Namba tufikizhe bantu bonse kasa balumbuluka mwi Kilishitu.

Kolose 4:17

Kabiji mumwambile Akipusa amba, “Tesha muchima ku mwingilo ye watambula mwi Nkambo, ne kumupwisha.”

1 Timoti 1:12

Namusanchila, yenkaye Kilishitu Yesu Nkambo yetu, aye wankosesha mambo wandangulukile amba, ne wakishinka, ne kuntongwela uno mwingilo,

2 Timoti 4:11

Nashalatu ne Luka yenka. Upitule ne Mako wiye nanji kuno, mambo aye unkwasha bulongo mu mingilo.

2 Timoti 4:5

Pakuba obewa wikale watekanya mu bintu byonse, kasa ukosa mu bya malwa, ne kwingila mwingilo wa busapwishi bwa Mambo Awama, ne kupwisha bulongo mingilo yobe.

Bahebelu 13:17

Kookelai ba ntangi benu ne kwibanekenena. Mambo abo babena kwimukenketela na mambo a kulama michima yenu, byo baketotolwela na mambo a ayo. Umvwe mwibakookela, bakengila mwingilo wabo na lusekelo, kuchiina amba bakooba mwingilo wabo na bulanda, mambo akyo kechi kikemuletela byawama ne.

Bahebelu 6:1

Onkao mambo nanchi tuleke mafunjisho atanshi a pa bintu bya Kilishitu, tuyenga kulutwe tufike ku bukulumpe. Kechi twale jibiji kitendekesho kya lulapilo lwa ku mingilo ifu nangwa kya lwitabilo lwa kwi Lesa ne;