Efisesa 4:11 - KNTP

¹¹ Kabiji bamo wibapele butumwa, bamo bungauzhi, bakwabo busapwishi, kabiji bakwabo bu kafunga ne bufunjishi.

Efisesa 4:11 Iomraidhean Croise

Mateo 28:20

ne kwibafunjisha balamenga byonse byo nemukambizhizhe. Kabiji talai, amiwa nji nenu moba onse, kufika ne ku juba jikapelaako.”

Byubilo 13:1

Mu kipwilo kya ku Antioka mwajinga bangauzhi ne bafunjishi, ba Banabasa ne Shimeona (jikwabo amba Ufiita), ne Lukiusa mwina Kilene, ne Manena ye balelelenga pamo ne Heloda mfumu, ne Saulo.

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Byubilo 21:8

Byo bwakiile lukeelo twafumineko ne kufika ku Kesalea. Kabiji twatwelele mu nzubo ya kwa Filipa musapwishi wa Mambo Awama, ye umo wa boba batanu na babiji, ne kwikala twaikele nanji.

Loma 12:7

nangwa mwingilo wa bukwasho, tuteshe muchima monka mu mwingilo wetu; aye ufunjisha naye ateshe muchima monka mu kufunjisha kwanji;

1 Kolinda 12:4

Kuji misango yavula ya bya bupe, bino Mupashi umo.

Efisesa 2:20

Kasa mwashimikwa pa kitendekesho kya batumwa ne bangauzhi, ne Kilishitu Yesu mwine jo jibwe jine ja jikonka.

Efisesa 3:5

Kyabujilwe kusololwa ku bantu bakwabo bamu myaka ya kala pamo ne byo kyasololwa pa kino kimye ku batumwa banji bazhila ne bangauzhi kwi aye Mupashi.

Efisesa 4:8

Onkao mambo aye wa amba amba, “Byo akanjijile mwiulu, wasendele jibumba ja ntundu, Kabiji wapaine bya bupetu ku bantu.”

2 Timoti 4:5

Pakuba obewa wikale watekanya mu bintu byonse, kasa ukosa mu bya malwa, ne kwingila mwingilo wa busapwishi bwa Mambo Awama, ne kupwisha bulongo mingilo yobe.

Bahebelu 5:12

Nangwa pa kino kimye mwaji kufwainwa kwikala bafunjishi, bino mu kisaka jibiji muntu wa kwi mufunjisha bya bwanyike bya ntendekelo ya byambo bya Lesa. Mwa aluka ke bafwainwa mukaka, kechi kajo kakosa ne.

Yuda 1:17

Pakuba anweba batemwe, vulukai byambo byo ba ambile kala batumwa ba Nkambo yetu Yesu Kilishitu.

Lumwekesho 18:20

Sekela na mambo anji obewa jiulu, ne anweba bazhijikwa, ne anweba batumwa, ne anweba bangauzhi! Mambo Lesa wimuzhachishishaye!

Lumwekesho 21:14

Kabiji nsakwa ya muzhi yajinga na bitendekesho jikumi na bibiji, ne ponka pa bitendekesho pajinga mazhina jikumi ne abiji a batumwa jikumi ne babiji ba Mwana Mukooko.