Efisesa 4:10 - KNTP

¹⁰ Aye waikijile ye yenka wakanjijile kupitaila meulu onse, amba ayuzhe bintu byonse.

Efisesa 4:10 Iomraidhean Croise

Mateo 24:34

Kine nemwambila namba, kino kisemi kechi kikapite ne, poso bino byonse bikafike.

Luka 24:44

Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Yoano 19:24

Ponkapo abo ba ambang'ene bene na bene amba, “Kumutabula ne, kilekai, tutaye bubale, kana usakwikala wa kwa ng'anyi.” Amba, kinembelo kifike kyaamba amba, “Be abenya bene na bene bivwalo byami, kabiji batayile bubale pa mukangyo wami.” Bino bintu byo byo baubile bashilikale.

Yoano 19:28

Bino byo byapwile, Yesu wayukile amba, pano byonse byapwa, wa ambile amba, “Nafwa kilaka,” mambo a kuuba amba kinembelo kifike.

Yoano 19:36

Mambo bino bintu byaubilwe amba, kinembelo kifike, amba, “Bikupa byanji kechi pakachimunwa nangwa kimo ne.”

Byubilo 1:11

ne kwamba amba, “Anweba bena Ngalilea, mambo ka o mwaimena na kutala mwiulu? Uno Yesu, watambulwa mwiulu kufuma kwi anweba, ukeya pamo byonkabye byo mwamumona kasa aya mwiulu.”

Byubilo 1:9

Kabiji byo a ambile bino, abo kasa bamutala, watwajilwe mwiulu ne jikumbi jamutambwile ne kumuzhita ku meso abo.

Byubilo 2:33

Byonkabyo byo atumbijikilwe ku kilujo kya Lesa, ne kutambula kwi Shanji kyo alayile kya Mupashi Wazhila, aye waitulula uno. Byonka byo mwamona ne kumvwa.

Byubilo 3:18

Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha.

2 kolinda 12:2

Namuyuka muntu wa mwi Kilishitu, pano papita myaka jikumi na ina, (kana waji mu mubiji, kechi nayuka ne, nangwa wabujilwe mu mubiji, kechi nayuka ne, Lesa yewayuka) ao muntu washikwilwe mu jiulu ja busatu.

Efisesa 3:19

Ne kwibuyuka butemwe bwa Kilishitu bukankalwa maana kuyuka, namba muyule paa! Kufika ne ku kuyula konse kwa Lesa.

Kolose 1:19

Mambo kyamutokejile Shanji ku muchima amba kuyula konse kwa Lesa kwaikala monka mwi Kilishitu.

Kolose 2:9

Mambo mwi aye Kilishitu, mo mwaikala kuyula konse kwa Lesa monka mu mubiji wanji,

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Bahebelu 4:14

Byo tuji na Ng'anga mwine mukatampe watwelele mwiulu, Yesu Mwana Lesa, tukwachishetu ku kwitabila kwetu.

Bahebelu 7:26

Mambo kitufwanyijilwe atweba kwikala na ng'anga mukatampe wa byonkabyo wazhila, wabula mambo, wabula kuzhilululwa, waabana na bandengamambo kabiji wasuntulwa kukila mwiulu.

Bahebelu 8:1

Kine kintu kikatampe kyo tubena kwamba kyo kino amba atweba tuji na Ng'anga Mukatampe, umo waikala ku kilujo kya jitanda ja Mfumu wa mwiulu.