Efisesa 3:8 - KNTP

⁸ Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

Efisesa 3:8 Iomraidhean Croise

Luka 14:22

Ne kalume wamwambijile amba, ‘Nkambo, byo mwaji kunkambizha bya ubiwa kala, ne pano mpuzha koikiji.’

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Byubilo 5:41

Byonkabyo bafumine mukije kasa basekela na mambo a kutongolwa amba, bo bafwainwa kwijimwena bumvu jizhina ja Yesu.

Byubilo 9:15

Bino Nkambo wamwambijile amba, “Yangatu, mambo aye kyo kintu kyami kyo nasalulula, kya kutwala jizhina jami ku Bangentila, ne ku ba mfumu, ne kubena Isalela.

Loma 11:33

Mama! Byo bwazhika bunonshi, ne maana, ne kuyukisha kwa Lesa! Ne bunchiba mambo bwanji byo bwabula kukonsheka kuyukanyikwa, ne mashinda anji nao byo abula kukonsheka kwialondalonda!

Loma 12:10

Mu butemwe bwa balongo kasa mwitemwisha na lusa anweba bene na bene, mu buneme namo kasa mwinemeka anweba bene na bene.

Loma 2:4

Inyi wasulatu kuvula kwa lusa lwanji ne kutekanya kwanji ne kukooka muchima kwanji, ne kuyuka amba, lusa lwa Lesa lwayila mukuuba amba, ulapile nyi?

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

1 Kolinda 15:9

Mambo amiwa ne muchechetu pa batumwa, kechi nafwainwa kutelwa butumwa ne, mambo namanyikile kipwilo kya Lesa.

1 Kolinda 2:9

Bino monka mo kyanembelwa amba, “Bintu byabujile kumweka na meso, ne byabujile kumvwanyika na matwi, ne byabujile kutwela mu muchima wa muntu, byo byo ebanengezhezha Lesa bantu bamutemwa.”

Ngalatiya 1:16

kunsolwela mwananji amiwa, amba nkasapwile mambo anji ku Bangentila, ponkapo kechi nakepwizhe bakwetu ba ku mubiji wa nyama ne mashi ne.

Ngalatiya 2:8

Mambo Lesa waingijilenga mwi Petelo mu kumupa butumwa bwa ku bamukanda ye waingijilenga ne mwi amiwa mu kumpa butumwa bwa ku Bangentila.

Efisesa 2:7

Amba mu myaka ikeya akamweshe bunonshi bwine bwa bupe bwanji mu kwituubila lusa mwi Kilishitu Yesu.

Efisesa 3:1

Na onka ano mambo amiwa Paulo, kaili wa Kilishitu Yesu na mambo a anweba Bangentila,

Efisesa 3:16

Ndomba namba emukoseshe na bulume mu bumuntu bwenu bwa mukachi na Mupashi wanji, monka mwayila bunonshi bwa lukumo lwanji,

Efisesa 3:19

Ne kwibuyuka butemwe bwa Kilishitu bukankalwa maana kuyuka, namba muyule paa! Kufika ne ku kuyula konse kwa Lesa.

Efisesa 3:2

umvwe kine mwaumvwine mambo a bukalama bwa bupe bwa Lesa bonampelwe na mambo a anweba,

Filipai 2:3

Kechi mube kintu nangwa kimo mu kwilanguluka anwe bene nangwa mu kwitota kwatu ne, poso na muchima wipelula kasa mulanguluka bonse, pa muntu pa muntu amba, mukwetu wankila mu kuwama.

Filipai 4:19

Kabiji Lesa wami ukemumwena byonse byo mwakajilwa mwayila bunonshi bwanji bwa mu lukumo bwa mwi Kilishitu Yesu.

Kolose 1:27

Abo, boaswile Lesa kwibayukisha byo buji bukata bwa lukumo lwa mu Bangentila lwa ano mambo afyamikile. Kokuuba amba, Kilishitu uji mwi anweba lo luketekelo lwa lukumo.

1 Timoti 1:13

nangwa kala amiwa najinga wa mwenga, wa lupato kabiji washiinta. Bino nangwa byonkabyo namwene lusa, mambo nebyubile mu bulubi monka mu kubula kwitabila kwami.

1 Timoti 1:15

Kino kyambo kyokya kishinka, kabiji kyafwainwa kwitabilwa konse amba, Kilishitu Yesu waishile pano pantanda na kupulusha bandengamambo. Mwi abo, amiwa yami ndegamambo mwine wakilaamo,

1 Timoti 2:7

Oo natongwejilwe amba, ngikale musapwishi ne mutumwa (Naamba bya kine, kechi nabepa ne,) wa kufunjisha Bangentila mu lwitabilo ne mu bukine.

2 Timoti 1:11

O natongwejilwe amba, ngikale musapwishi, ne mutumwa, ne mufunjishi,

Lumwekesho 3:18

Nakubuula namba, upote kwi amiwa ngolode yasungululwa mu mujilo, namba wikale ke munonshi, upote ne bivwalo bitoka namba wivwike, bumvu bwa bwamba bobe kechi bumweke ne, ne muchi wa kushinga pa meso obe umonenga.