Efisesa 3:5 - KNTP

⁵ Kyabujilwe kusololwa ku bantu bakwabo bamu myaka ya kala pamo ne byo kyasololwa pa kino kimye ku batumwa banji bazhila ne bangauzhi kwi aye Mupashi.

Efisesa 3:5 Iomraidhean Croise

Mateo 13:17

Mambo kine nemwambila namba, bangauzhi bavula ne baoloka basakile kwibimona byo mubena kumona anweba, ne kwibimona ne, ne kumvwa byo mubena kumvwa, bino kechi bebyumvwine ne.”

Mateo 20:7

Kumvwa abo amba, mambo kafwako muntu witupa mwingilo ne. Kumvwa aye amba, nanchi ne anweba yainga mu bujimi bwa ming'anzang'anza.

Mateo 23:34

Byonkabyo talai, nemutumina bangauzhi bami ne bamaana, ne banembeshi, kabiji bamo mukebepaya ne kwibapopa pa misalabu, kabiji bakwabo mukebatutaula mu mashinagoga enu, ne kwibapanga mu mizhi yenu.

Luka 10:24

Mambo ne mwambila namba bangauzhi bavula ne ba mfumu basakile kwibimona byo mubena kumona, bino kechi bebimwene ne, ne kumvwa byo mubena kumvwa, bino kechi bebyumvwine ne.”

Luka 11:49

Onkao mambo maana a Lesa a ambile amba, nkebatumina bangauzhi ne batumwa, kabiji bamo bakebepaya, ne kwibapata.

Yoano 14:26

Pakuba Nkwasho, aye Mupashi Wazhila, ye bakatuma Bataata mu jizhina jami, ye ukemufunjisha bintu byonsetu, ne kwimuvulula byonse byo na ambile nenu.”

Yoano 16:13

Pakuba aye Mupashi wa bukine, byo akeya ukemutangijila mu byonse bya kine, mambo aye kechi ukambanga byanji mwine ne, pakuba byonkabya byo akomvwa, byo byonka byo akamba, ne aye ukemubuula bintu bikamweka.

Byubilo 10:28

Ne aye wibambijile amba, “Anweba mwayuka amba, kizhila mu Yudea kwilamika ku wa mu mukoka ungi, nangwa kumupempulatu ne; bino aye Lesa wambuula amiwa amba, kechi utele muntu amba watu ne, nangwa amba, wazhila ne.

Loma 16:25

Pano kwi aye wakonsha kwimukosesha monka mwayila Mambo ami Awama ne kusapwila kwa Yesu Kilishitu, mwayila lumwekesho lwa akya kyafyamikile myaka ya kala.

1 Kolinda 2:10

Pakuba kwi atweba Lesa wibimwesha na Mupashi. Mambo aye Mupashi ukebakeba byonse, ne bine byazhika bya Lesa.

Efisesa 2:20

Kasa mwashimikwa pa kitendekesho kya batumwa ne bangauzhi, ne Kilishitu Yesu mwine jo jibwe jine ja jikonka.

Efisesa 3:9

ne bwa kumwesha ku bantu bonse mo kwayila akwa kwingila kwa akya kyafyamika kyafyamikile myaka ne myaka mwi Lesa yenka walengele byonse,

2 Petelo 3:2

Namba muvulukenga byambo byaambilwe kala ku bangauzhi bazhila, ne mukambizho wa Nkambo Mupulushi kupichila mu batumwa benu.

Yuda 1:17

Pakuba anweba batemwe, vulukai byambo byo ba ambile kala batumwa ba Nkambo yetu Yesu Kilishitu.