Efisesa 3:2 - KNTP

² umvwe kine mwaumvwine mambo a bukalama bwa bupe bwa Lesa bonampelwe na mambo a anweba,

Efisesa 3:2 Iomraidhean Croise

Byubilo 13:2

Byo bapopwejilenga Nkambo ne kuzhikilwa na nzala, aye Mupashi Wazhila wibambijile amba, “Mpaatwilai Banabasa ne Saulo bengile uno mwingilo ye nebechila.”

Byubilo 13:46

Kabiji ba Paulo ne Banabasa ba ambilengatu na kuchinchika amba, “Kyaji kufwainwa mambo a Lesa asapwilwe kwi anweba patanshi. Pakuba byo mwiakana ne kwichibila mambo anweba bene amba, kechi mwafwainwa bumi bwa myaka ne, nanchi, pano twaalukila ku Bangentila.

Byubilo 22:21

Kumvwa aye wang'ambijile amba yanga, mambo amiwa nkakutuma kwalepa ku Bangentila.”

Byubilo 9:15

Bino Nkambo wamwambijile amba, “Yangatu, mambo aye kyo kintu kyami kyo nasalulula, kya kutwala jizhina jami ku Bangentila, ne ku ba mfumu, ne kubena Isalela.

Loma 1:5

Kupichila mwi aye mo mo twatambwijile bupe ne butumwa, amba ba mu mikoka yonse ya bantu bakookele byambo bya lwitabilo na mambo a jizhina janji.

Loma 11:13

Pano amiwa mbena kwamba kwi anweba Bangentila. Byonji mutumwa ku Bangentila, natumbijika mwingilo wami.

Loma 12:3

Mambo amiwa naambila monka mwayila bupe bonapewa ku bonse ba mwi anweba. Namba kechi mwilanguluke kukilapo pomwafwainwa kwilangulukila ne. Poso mulangulukenga byonka byafwainwa kulanguluka, monka mo emupimina Lesa pa muntu pa muntu kipimo kya lwitabilo.

1 Kolinda 4:1

Bino bantu bafwainwa kwitulangulukila amba, bo bakalume bakwa Kilishitu ne bakalama ba byafyamika bya Lesa.

Ngalatiya 1:13

Mambo anweba mwaumvwine musango wa bwikalo bwami bwa mu kimye kya kala bwa mu kupandawila kwa Bayudea, byo na kijishemo kwikipata kipwilo kya Lesa ne kwi kipalang'anya.

Efisesa 1:10

Amba akekajike bukalama bwa pa byonse ponka pa kukafikila myaka yoatongola, ne kwibikonkenya bintu byonse mwi Kilishitu, biji mwiulu ne biji pano pantanda.

Efisesa 3:7

O napelwe amba, ngikale wa kwiengijila, monka mwayila akya kyo a panatu Lesa mu bupe bwanji, kyo ampele amiwa monka mwayila kwingila kwa bulume bwanji.

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

Efisesa 3:9

ne bwa kumwesha ku bantu bonse mo kwayila akwa kwingila kwa akya kyafyamika kyafyamikile myaka ne myaka mwi Lesa yenka walengele byonse,

Efisesa 4:21

Inge kine iye ye mwaumvwine, ne kufunjishiwa mwi aye, monka mwayila bukine buji mwi Yesu.

Efisesa 4:7

Atweba bonse pa muntu pa muntu, twapewa bupe monka mwayila kipimo kya bupetu kya Kilishitu.

Kolose 1:4

Mambo twaumvwa mambo a lwitabilo lwenu lwa mwi Kilishitu Yesu, ne butemwe bo muji naabo ku bazhijikwa bonse.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

1 Timoti 1:11

Monka mwayila Mambo Awama a lukumo lwa Lesa wa bibusa, o ampele amiwa.

1 Timoti 1:4

Nangwa kutaako muchima ku bishimi ne ku bya kulondolola bisemi bibula kupela ne, byo bileeta bya kwipuzhaipuzha, kechi bingila bukalama bwa Lesa bwa mu lwitabilo ne.

1 Timoti 2:7

Oo natongwejilwe amba, ngikale musapwishi ne mutumwa (Naamba bya kine, kechi nabepa ne,) wa kufunjisha Bangentila mu lwitabilo ne mu bukine.

2 Timoti 1:11

O natongwejilwe amba, ngikale musapwishi, ne mutumwa, ne mufunjishi,