Efisesa 3:19 - KNTP

¹⁹ Ne kwibuyuka butemwe bwa Kilishitu bukankalwa maana kuyuka, namba muyule paa! Kufika ne ku kuyula konse kwa Lesa.

Efisesa 3:19 Iomraidhean Croise

Mateo 5:6

Baumvwa nzala ne kilaka kya kusakisha bololoke bo batokwa; mambo bakekuta!

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Loma 8:35

Ng'anyi uketwabanya na butemwe bwa Kilishitu? Bya malwa nyi? Nangwa buyanji nyi? Nangwa lupato nyi? Nangwa nzala nyi? Nangwa bwamba nyi? Nangwa bya bulwanyi nyi? Nangwa mpoko nyi?

Loma 8:39

nangwa bula bwa mwiulu, nangwa kuzhika kwa panshi, nangwa kilengwa kingi, nangwa kya byepi, nangwa kya byepi, kechi bikakonsha kwitwabanya na butemwe bwa Lesa mwi Kilishitu Yesu Nkambo yetu ne.

2 kolinda 5:14

Mambo butemwe bwa Kilishitu bo bwitwingijisha, mambo twayuka namba, umo byo afwijile bonse, nanchi bonse bafwile.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Efisesa 1:23

Ne kipwilo ye mubiji wa Kilishitu, ye kukumbana kwanji, aye wa kumbana byonse, monse monse.

Efisesa 3:18

amba mukonshe kukwatakanya pamo ne bazhijikwa bonse mwayila bula bwabo ne bwipi bwabo ne kiimino kyabo ne kuzhika kwabo.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Efisesa 5:25

Anweba banabalume basongola, temwai bakazhi benu, byonka byo atemenwe Kilishitu kipwilo, ne kwipana mwine na mambo a akyo.

Filipai 1:7

Kyawama kwi mulanguluka byonka bino. Mambo nemulama mu muchima wami, anweba bonse mwaingijile pamo ne amiwa mu bupe, ne mu mfungwa yami, ne mu kwialwila Mambo Awama, ne mu kwiekajika.

Filipai 4:7

Kabiji mutende wa Lesa ubula kuyukanyikwa ukalama michima ne milanguluko yenu mwi Kilishitu Yesu.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

1 Petelo 1:8

Ye mwatemwa nangwa kechi mwamumwenepo ne. Kabiji aye nangwa pa kino kimye kechi mubena kumumona ne mwa mwitabila, ne kusekela mwasekela pakatampe na lusekelo lwa kubula kukonsha mwa kwilulumbulwila lwayuula lukumo,

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.